रामेश्वर तांडा (Hingoli) :- कळमनुरी तालुक्यातील डिग्रस बुद्रक ते झिरो फाटा रस्त्यावर ४ मार्च रोजी सकाळी ५ .३० वाजता मॉर्निग वॉकसाठी गेलेल्या ४५ वर्षीय एका व्यक्तीला भरधाव वेगाने आलेल्या टिप्परने दिलेल्या धडकेत त्याचा मृत्यू (Death) झाल्याची घटना घडली आहे.
टिप्परच्या धडकेत व्यक्तीचा मृत्यू
याबाबत मिळालेली माहिती अशी की कळमनुरी तालुक्यातील डिग्रस बुद्रुक येथील बालाजी चांदोजी खांडरे ( ४५ ) हे नेहमी पहाटे पाच वाजता मॉनिग वॉकसाठी गेले होते. झिरो फाटा रस्त्यावरील विद्युत वितरण सब स्टेशन जवळ एका भरधाव वेगाने वाहतुक करणाऱ्या टिप्परने त्यांना धडक दिली ज्यामध्ये टिप्पर चे चाक त्याच्या डोक्यावरून गेल्याने त्याचा जागीच मृत्यु झाला. या घटनेची माहिती ग्रामस्थांनी आखाडा बाळापूर पोलिसांना सांगितल्याने सहाय्यक पोलीस निरीक्षक ज्ञानेश्वर बसवंते, जमादार नागोराव बाभळे, जमादार रिेठे यांनी घटनास्थळी जाऊन पंचनामा केला. त्यानंतर मृतदेह रामेश्वर तांडा येथील प्राथमिक आरोग्य केंद्रात नेण्यात आला या ठिकाणी शवविच्छेदन (Autopsy) झाल्यानंतर मृतदेह (Dead Body)नातेवाईकांच्या स्वाधीन करण्यात आला.
या प्रकरणात आखाडा बाळापूर पोलिसांनी गिरगाव येथील एका कपंनीच्या कँम्पवर जाऊन तेथील काही टिप्पर चालकांना चौकशीसाठी ताब्यात घेतल्याचे पोलीसाकडुन समजले आहे. घटनेबाबत गुन्हा दाखल झाला नव्हता.
