आरोपी पोलिस कर्मचाऱ्याविरूध्द गुन्हा दाखल

तिरोडा (Tiroda):- तिरोडा पोलिसात कार्यरत असलेल्या एका पोलिस कर्मचाऱ्याने अल्पवयीन मुलीशी प्रेमसंबध (love affair) प्रस्थापित करून तिच्यावर लैंगिक अत्याचार केला. ही घटना जुलै ते नोव्हेंबर २०२४ दरम्यानची आहे. पिडिताने या संदर्भात पालकांना माहिती दिली. दरम्यान फिर्यादीच्या तक्रारीवरून आरोपी पोलिस कर्मचाऱ्याविरूध्द तिरोडा पोलिस ठाण्यात गुन्हा(Crime) नोंद करण्यात आला.

एका अल्पवयीन मुलीशी त्याने ५ महिन्यापूर्वी प्रेम संबंध प्रस्थापित केले

इफ्तेखार शेख (३०) रा. हरीओमनगर तिलक वार्ड तिरोडा असे आरोपी पोलिस कर्मचाऱ्याचे नाव आहे. तिरोडा पोलिस ठाण्यात इफ्तेखार शेख हा पोलिस कर्मचारी म्हणून कार्यरत आहे. पोलिस कर्मचारी इफ्तेखार शेख हा तिलक वॉर्ड येथे भाड्याची खोली करून राहतो. त्यातच घराशेजारच्या एका अल्पवयीन मुलीशी त्याने ५ महिन्यापूर्वी प्रेम संबंध प्रस्थापित केले. दरम्यान आगामी काळात त्याने लग्न करण्याचेही आमिष दर्शविले. त्यातूनच शारीरिक संबध(Physical intercourse)  प्रस्थापित केले. पिडित मुलीने हा सर्व प्रकार आपल्या कुटूंबाला सांगितला. यावरून लैगिक अत्याचाराचा प्रकार उघडकीस आला आहे.

फिर्यादीच्या तक्रारीवरून तिरोडा पोलिस ठाण्यात आरोपी पोलिस कर्मचारी इफ्तेखार शेख याच्याविरूध्द कलम ६४ (ए), ६९ (ए) भारतीय न्याय संहिता २०२३ च्या सहकलम ४, ६ पोस्को अधिनियमातंर्गत गुन्हा नोंद करण्यात आला आहे. पुढील तपास पोनि अमित वानखेडे यांच्या मार्गदर्शनाखाली पोउपनि दिव्या बरड व पोहवा तिरपुडे करीत आहेत.