सिरोंचा (Gadchiroli) :- तालुक्यातील मद्दिकुंठा येथील गोदावरी नदीच्या (Godawari River) पात्रातून रेतीची तस्करी केली जात असल्याची माहिती मिळताच प्रभारी तहसीलदार हमीद सय्यद यांच्या मार्गदर्शनाखाली व नायब तहसीलदार श्रीनीवास तोटावार यांच्या नेतृत्वात काल १० मे रोजी मध्यरात्रीनंतर १ ते २ वाजताच्या दरम्यान धाड टाकून तब्बल १५ ट्रॅक्टरवर कारवाई करण्यात आली. यामुळे ट्रॅक्टर मालकामध्ये खळबळ निर्माण झाली आहे.
मद्दीकुंटा येथिल गोदावरी नदीपात्रात ट्रॅक्टरद्वारे अवैधरित्या रेतीची वाहतूक करीत असल्या बाबत मिळालेल्या गुप्त माहितीच्या आधारे प्रभारी तहसीलदार हमीद सय्यद यांच्या मार्गदर्शनात व नायब तहसीलदार श्रीनिवास तोटावार मद्दीकुंटा येथिल नदी पात्रात धाड टाकली असता १५ ट्रॅक्टर नदी पात्रात अवैध रित्या रेती वाहतूक करीत असल्याचे दिसून आले. नदीपात्रात असलेल्या सर्व ट्रॅक्टरचा जप्तीनामा करून तहसील कार्यालय सिरोंचा येथे जमा करण्यात आले. ही कारवाई नायब तहसीलदार तोटावार, प्रशांत धात्रक, मंडळ अधिकारी प्रविण डोंगरे, मूरली इचकापे, तलाठी संजय सिडाम यांनी पार पाडली.
