Superstar Govinda:- अभिनेता गोविंदा मंगळवारी त्याच्या परवाना असलेल्या रिव्हॉल्व्हरमधून (Revolver) चुकून गोळीबार झाल्याने जखमी झाला. पहाटे ४.४५ वाजता हा अपघात झाला. या प्रकरणातील पिस्तूल गोविंदनेच ठेवल्याचे बोलले जात आहे. त्यानंतर गोळी चुकून त्याच्या डाव्या पायाला गुडघ्याजवळ लागली. गोळीचा आवाज ऐकून घरात उपस्थित असलेले लोक त्याच्यापर्यंत पोहोचले आणि त्याला तातडीने रुग्णालयात (Hospital) नेले. जिथे त्याच्या पायातून गोळी काढण्यात आली आणि आता तो धोक्याबाहेर आहे. मात्र, अभिनेता अजून शुद्धीवर आलेला नाही. त्यांच्यावर मुंबईतील क्रिटी केअर रुग्णालयात (Critical Care Hospitals) उपचार सुरू आहेत. पोलिस अधिकाऱ्याने सांगितले की, अभिनेता पहाटे 4.45 च्या सुमारास त्याच्या जुहू निवासस्थानातून निघणार होता तेव्हा चुकून त्याच्यावर रिव्हॉल्व्हरमधून गोळीबार झाला आणि त्याच्या पायाला मार लागला. अभिनेत्याने कोणतीही तक्रार दाखल केलेली नाही. त्यांनी सांगितले की, गोविंदा (60) यांना उपचारासाठी जवळच्या ‘क्रिटिकेअर हॉस्पिटल’मध्ये नेण्यात आले.
कोलकात्याला जाण्याच्या तयारीत होते
अभिनेत्याचे व्यवस्थापक म्हणाले, “आम्हाला कोलकाता येथे एका कार्यक्रमासाठी सकाळी सहा वाजता उड्डाण करायचे होते आणि मी विमानतळावर पोहोचलो. गोविंदा जी त्यांच्या घरातून विमानतळासाठी निघणार होते तेव्हा त्यांनी सांगितले की, “रिव्हॉल्व्हर कपाटात ठेवत असताना, ते चुकून पडले आणि त्यातून एक गोळी सुटली. देवाच्या कृपेने गोविंदाजींना फक्त पायाला दुखापत झाली असून त्यांची प्रकृती गंभीर नाही. गोविंदासोबत घडलेल्या या घटनेची माहिती समोर येताच त्याचे चाहते चांगलेच नाराज झाले. लोक त्याच्या सुरक्षिततेसाठी प्रार्थना करत आहेत. गोविंदाने अनेक चित्रपटांमध्ये उत्कृष्ट अभिनय केला आहे. त्याने ‘कुली नंबर 1’, ‘हिरो नंबर 1’, ‘छोटे सरकार’, ‘हद कर दी आपने’ यांसारख्या चित्रपटांमध्ये मुख्य भूमिका साकारली आहे. गेल्या ५ वर्षांपासून तो चित्रपटांपासून दूर आहे. सध्या ते शिवसेना या राजकीय पक्षात आहेत, त्यापूर्वी ते काँग्रेसमध्ये होते.
