हिंगोली (Hingoli Ramlila Maidan) : शहरातील रामलिला मैदान हे ऐतिहासिक मैदान म्हणून ओळखले जाते, या मैदानावर रामलिला मैदान म्हणून विविध कार्यक्रमही घेतले जातात. परंतु या मैदानावर प्रशासनाकडून लाखो रुपये खर्च करून नागरीकांच्या ट्रकसाठी रस्ताही उभाण्यात आला होता. परंतु याचा गैरफायदा अनेक मद्यपी व नागरीकांनी घेवून (Hingoli Ramlila Maidan) रामलिला मैदान कचर्‍याच्या ढिगारीत अडकले होते. दैनिक देशोन्नतीमध्ये २९ एप्रिलच्या अंकात वृत्त प्रकाशित होताच प्रशासनाकडून रामलिला मैदानावरील चारही बाजूने असलेले लोखंडी प्रवेशद्वार बंद करून रामलिला मैदानाचे पावित्र्य राखण्याचा प्रयत्न केला आहे.
हिंगोली येथील रामलिला मैदानावर मागील काही महिन्यांपुर्वी लाखो रुपये खर्च करून (Hingoli Ramlila Maidan) रामलिला मैदानाची डागडुजी करत चारही बाजूंनी लोखंडी प्रवेशद्वार उभारले होते. परंतु काही मद्यपीने रामलिला मैदानाचा गैरवापर करत अड्डाच बनविला होता. तर काही जणांनी व्यवसायही थाटून माल कमविण्याचा गोरख धंदा उभारला आणि स्वच्छतेऐवजी घाण-कचरा करण्याचे प्रकार मागील काही दिवसांपासून वाढले होते. २९ एप्रिल रोजी दैनिक देशोन्नतीमध्ये कचर्‍याला लावलेल्या आगीत वृक्ष होरपळली.
या मथळ्याखाली वृत्त प्रकाशीत झाल्यानंतर नगर परिषद प्रशासनासह जिल्हा प्रशासनाने (Hingoli Ramlila Maidan) रामलिला मैदानावर उभारण्यात आलेल्या लोखंडी प्रवेशद्वाराची दुरुस्ती करून हे प्रवेशद्वार चारही बाजूनी बंद केले आहे. त्यामुळे मद्यपीसह नागरीकांना रामलिला मैदानाच्या आत जाण्यास आता अडचण होणार आहे. मात्र मद्यपीची कायमची धुडधूस बंद झालेली पहावयास मिळणार आहे. दरम्यान प्रशासनाकडून सकाळच्या पहारी फिरावयास ट्रक उभारले होते त्यांची मात्र आता पंचायत होणार आहे.
सकाळच्या ट्रॅकवर फिरणारे अथवा व्यायाम करणार्‍यांची झाली पंचायत
हिंगोली येथील रामलिला मैदानावर (Hingoli Ramlila Maidan) जिल्हा प्रशासनाकडून लाखो रुपये खर्च करून दुरुस्ती केली होती. व सकाळच्या प्रहरी ट्रकवर फिरणार्‍या अथवा व्यायाम करणार्‍यांची वर्दळ मोठ्या प्रमाणावर होत होती. मात्र या रामलिला मैदानावर काही मद्यपीने धुमाकूळ घालत घाण-कचरा केला होता. तर प्रवेशद्वारावरच कचर्‍याचे ढिगार साचत असल्याने दुर्गंधीही वाढली होती. मैदानाच्या प्रवेशद्वारावर कचरा टाकल्यामुळे तो जाळून टाकण्यात आल्याने अनेक वृक्ष होरपळून गेली.
तसेच व्यावसायीकांना वापरण्यासाठी परवानगीची गरज होती. अनेकाने व्यापार या ठिकाणी सुरु केला होता. मात्र या (Hingoli Ramlila Maidan) मैदानावर अनेक किरकोळ भांडणासह मद्यपींचा धुडघूस वाढल्याने प्रशासनाकडून आता चारही बाजूच्या लोखंडी गेटला कुलूप लावून हे गेटच बंद केल्याने नागरीकांना रामलिला मैदानात जाण्यास कुठलाही पर्याय राहिला नाही. मात्र सकाळच्या सुमारास ट्रकवर फिरणार्‍यांची चांगलीच पंचायत झाली आहे.
