अमरावती (Amravati) :- महानगरपालिकेतील शिक्षकांची सभा आज शनिवारी जेवड नगर येथील शाळेत उत्साहात झाली. यावेळी महानगरपालिकेतील हस्तांतरित अनेक शिक्षकांनी महाराष्ट्र राज्य शिक्षक परिषदेत (Maharashtra State Teachers Council) प्रवेश केला. यावेळी महानगरपालिकेच्या शिक्षक परिषदेच्या संघटनेच्या अध्यक्षपदी प्रशांत नालसे तर सरचिटणीस म्हणून वहीद खा पठाण यांची निवड करण्यात आली. सभेच्या अध्यक्षस्थानी शिक्षक परिषदेचे जिल्हाध्यक्ष सुनील केणे होते. सभेत प्रशांत नालसे यांनी न्यायालयाचे निर्णयाचे वाचन केले तसेच अनेक समस्या व पगाराचा विषय तसेच सेवा निवृत्त शिक्षकांचे लाभ सुद्धा अजून पर्यंत देण्यात आले नाही, त्याची मागणी सुद्धा या सभेत करण्यात आली. शिक्षकांच्या विविध प्रश्नासाठी सर्वांनी सामूहिक पणे लढा देण्यासाठी खंबीरपणे संघटनेतच्या पाठीशी उभे राहण्याचा निर्णय यावेळी घेण्यात आला.
महानगर प्रमुखपदी प्रशांत नालसे तर, सरचिटणीस वहिद खा पठाण यांची निवड
सभेला प्रमुख उपस्थिती म्हणून लाभलेले महानगरपालिकेचे (Municipal Corporation) शिक्षण विस्तार अधिकारी वहिद खा पठाण, शिक्षक परिषदेच्या विभागीय अध्यक्षा सविता गौरखेडे, जिल्हाध्यक्ष मंजू वनवे यांनी सुद्धा या प्रसंगी मार्गदर्शन केले. सभेत अमरावती महानगरपालिकेच्या शिक्षक परिषदेच्या संघटनेच्या अध्यक्षपदी प्रशांत नालसे तर सरचिटणीस म्हणून वहीद खा पठाण, उपाध्यक्ष म्हणून संजय नाडे, संजय चांदुरकर, चंचल दातीर , वैशाली बुटे यांची नियुक्ती जाहीर करण्यात आली. अमरावती महानगरपालिकेतील सेवाजेष्ठ शिक्षकांना व कार्यरत शिक्षकांना न्याय देत नसेल तर कंटेम दाखल करण्याचा निर्णय शिक्षक संघटनांच्या या सभेमध्ये घेण्यात आला, दोन महिने होऊन शिक्षकांना व सेवानिवृत्त शिक्षकांना वेतन दिले जात नाही ही अत्यंत गंभीर बाब आहे त्यासाठी शासनाने त्वरित वेतनाची व्यवस्था करावी अशी भूमिका शिक्षक परिषदेचे जिल्हाध्यक्ष तथा शिवसेनेचे (Shivsena) उपजिल्हाप्रमुख सुनील केणे यांनी याप्रसंगी मांडली. शासनाने महानगरपालिकेतला शंभर दिवसाचा कार्यक्रम दिला असून त्या कार्यक्रमात शिक्षकांचा कोणताही प्रश्न सोडवण्यात आला नाही असा आरोप सुद्धा याप्रसंगी करण्यात आला.
सभेला शिक्षक परिषदेची जिल्हाध्यक्ष सुनील केने, शिक्षक परिषदेचे नवनियुक्त मनपाचे अध्यक्ष प्रशांत नालसे, सचिव वहीत खा पठाण, संजय नाडे संजय चांदुरकर, शिक्षक परिषदेच्या विभागीय अध्यक्ष सविता गौरखेडे जिल्हाध्यक्ष मंजू वानखडे, श्रीमती ज्योतीताई बनसोड, श्रीमती सुनंदाताई मेहरे, सुनीताताई कुकडे, अवंतिकाताई मेटे, चंचल दातीर, मनिषाताई घाटे, अर्चना रडके, प्रगती पुंड, विवेक नागपुरे, श्रीमती पाटीले मॅडम, पदमा बहुरूपी, डांगे मॅडम , सोमवंशी मॅडम आदींची उपस्थिती होती.
