मुख्य कार्यकारी अधिकारी संतोष जोशी यांचे मार्गदर्शन
अमरावती विभागाचे शिक्षण उपसंचालक डॉ. शिवलिंग पटवे यांचे अध्यक्षतेखाली घेण्यात आलेल्या या मेळाव्याचे उद्घाटन अकोला जिल्हा परिषदेच्या मुख्य कार्यकारी अधिकारी बी.वैष्णवी (भा.प्र.से.) यांचे हस्ते करण्यात आले. यावेळी विशेष अतिथी म्हणून (Amravati Education) अमरावती जिल्हा परिषदेचे मुख्य कार्यकारी अधिकारी संतोषकुमार जोशी हे होते.
प्रमुख अतिथी म्हणून प्रादेशिक विद्या प्राधिकरण अमरावतीचे प्राचार्य मिलिंद कुबडे, जिल्हा शिक्षण व प्रशिक्षण संस्था अकोलाच्या प्राचार्य रत्नमाला खडके, यवतमाळ डायटचे प्राचार्य डॉ. प्रशांत गावंडे, उपमुख्य कार्यकारी अधिकारी (महिला व बालकल्याण) डॉ. कैलास घोडके, जिल्हा परिषद अमरावतीचे प्राथमिक शिक्षणाधिकारी बुद्धभूषण सोनोने, अकोलाचे प्राथमिक शिक्षणाधिकारी रतनसिंह पवार, शिक्षणाधिकारी (योजना) निखिल मानकर, जेष्ठ अधिव्याखाता प्रेमला खरटमोल, उपशिक्षणाधिकारी गजला खान, अमरावती (Panchayat Committee) पंचायत समितीचे गटशिक्षणाधिकारी धनंजय वानखडे, नांदगाव खंडेश्वरच्या प्रमिला शेंडे, आय. ए.एस अकादमीचे संचालक नरेशचंद्र काठोळे, बालविकास प्रकल्प अधिकारी दुर्गे, मंगेश गवई वाशीम आदींची उपस्थिती होती.
अमरावती विभागीय शाळा पूर्व अभियान मेळावा उत्साहात
विशेष अतिथी मुख्य कार्यकारी अधिकारी संतोष जोशी यांनी मुलांचा विकास हा चांगल्या संस्कारामुळे होतो आणि जिल्हा परिषद शाळा ह्या विद्यार्थ्यावर चांगले संस्कार करण्याचे केंद्र आहे. शिक्षकांमुळे विद्यार्थ्यांचे भविष्य उज्वल होते. धकाधकीच्या जीवनात शिक्षकांनी स्वतः फिट राहून विद्यार्थ्यांचे भवितव्य घडविण्याचे आवाहन त्यांनी उपस्थितांना केले. अध्यक्षीय भाषणात शिक्षण उपसंचालक डॉ. शिवलिंग पटवे यांनी विद्यार्थी विकासासाठी या शाळापूर्व तयारी मेळाव्याचे आयोजन केले जाते. सर्वांच्या सहकार्य व समन्वयाने कोणतेही कार्य यशस्वी होते. मुख्यमंत्री माझी शाळा सुंदर शाळा या उपक्रमात अमरावती विभाग राज्यातून प्रथम आला हे त्याचे मूर्तिमंत उदाहरण असल्याचे श्री पटवे यांनी म्हटले.
विद्यार्थी विकासाचे केंद्र
या विभागीय शाळा पूर्व तयारी मेळाव्यात नांदगाव पेठ केंद्रातील उपस्थित प्रवेशित विद्यार्थ्यांचे पुष्प देऊन स्वागत करण्यात आले तसेच कुंकवाचे ताटामध्ये पहिल्या पाऊलाचे ठसे घेण्यात आले. या मेळाव्यात मराठी व उर्दू माध्यमांचे शाळा पूर्व तयारी अंतर्गत २१ स्टॉलची उभारणी करण्यात आली. यावेळी विद्यार्थ्यांची नोंदणी करून शारीरिक विकास, बौध्दीक विकास, सामाजिक व भावनिक विकास, भाषा विकास व गणनपूर्व तयारी असे विविध कौशल्य तपासण्यात आले. तसेच विद्यार्थ्यांसाठी हत्तीच्या चित्राच्या सहाय्याने सेल्फी पॉइंट उभारण्यात आले. यावेळी परिसरातील प्रवेश पात्र विद्यार्थी, पालक, मुख्याध्यापक, शिक्षक, अंगणवाडी सेविका व शिक्षण क्षेत्रातील ईतर मान्यवर मोठ्या संख्येने उपस्थित होते.
