बाळापूर (Balapur Crime) : इंस्टाग्रामवर मॅसेज का टाकतो, अशी विचारणा करून मी मॅसेज टाकलेला नाही, असे म्हणणार्या अल्पवयीन मुलासह तिघांना चाकूने जखमी करण्याची घटना गुरूवारी रात्री वाडेगावात घडली. (Balapur Crime) घटनेमधील मुले अल्पवयीन असून एकाच समाजातील आहेत.
या संदर्भात प्राप्त माहितीनुसार वाडेगाव येथील उमराव चौक छोटी हद्द चाळ ठिकाणी तीन मित्र बसले असता (Balapur Crime) बाळापूर येथील एक मुलगा त्या ठिकाणी आला. त्याने माझे इंस्टाग्रामवर मॅसेज का टाकले, असे वाडेगावातील मुलास विचारले असात त्यांनी मी मॅसेज टाकले नाहीत, असे म्हटले असता बाळापूर येथील मुलाने त्याचे हातातील चाकूने तिघांनाही जखमी केले. सदर प्रकरणी (Balapur Police) बाळापूर पोलिसांनी कलम ११८ (२) बीएसएनएस अन्वये गुन्हा नोंदविला. पुढील तपास बाळापूर पोलिस करीत आहेत. जखमींना उपचारासाठी अकोला येथे रवाना करण्यात आले.
