Digras :- आर्णी मार्गावरील तालुक्यातील धानोरा बु. कॉलनी परिसरातील एका दिव्यांग (disabled) व्यक्तीच्या दुकानाला विद्युत शॉर्ट सर्किटमुळे आग लागून दुकानातील जवळपास साडे तीन लाखाचे साहित्य खाक झाल्याची घटना १९ नोव्हेंबर च्या रात्री १०.३० वाजताच्या दरम्यान उघडकीस आली.
साडेतीन लाखांचे नुकसान, धानोरा येथील घटना
डाव्या हाताने दिव्यांग असलेले गजानन बापूराव सोरते रा. तुपटाकळी (प्रहार दिव्यांग क्रांती संघटना यवतमाळ जिल्हा उपाध्यक्ष ) यांचे दिग्रस आर्णी रस्त्यावर धानोरा बु कॉलनी वसाहतसमोर फवारणी पंप, मोटार सायकल टायर, ट्यूब, पंप स्पेयर पार्ट, पंपाच्या बॅटरी , कॉम्प्रेसर(Compressor) मशीनच्या सहाय्याने आपल्या कुटुंबाचा कसा – बसा उदरनिर्वाह करीत होते. १९ नोव्हेंबर च्या रात्री १०.३० वाजताच्या दरम्यान आग लागल्याची माहिती धानोरा बु. येथील पोलीस पाटील गोविंद गावंडे यांना काही नागरिकांनी भ्रमण ध्वनीवरून माहिती देताच त्यांनी क्षणाचाही विलंब न करता घटनास्थळी पोहचून बाजूला असलेल्या विहिरीतून मोटार पंपाच्या साहाय्याने आग विझविण्यासा’ी प्रयत्न केले.
आग (Fire) आटोक्यात आली परंतु तो पर्यंत दुकानातील सर्व साहित्य आगीत जळून खाक झाले होते. या दुकानाला लागून तीन दुकाने होते या आगीच्या विळख्यात बाजूला असलेल्या सिद्धेश्वर हॉटेलला झळ पोहचली असून आग नियंत्रणात आल्याने मोठी दुर्घटना टळली. अन्यथा मो’ी हानी झाली असती. या आगीत अंदाजे ३ लाख ३४ हजार ५०० रुपयांचे साहित्य जळून खाक झाले आहे. दिव्यांग व्यक्तीच्या उदरनिर्वाहाचे दुकानच जळून खाक झाल्याने त्यांच्यापुढे उदरनिर्वाहाचे पुढे कोणतेही साहित्य व आर्थिक परिस्थिती बिकट असल्याने शासनाचे पंचनामा करून आर्थिक मदत घ्यावी अशी मागणी दिव्यांग गजानन सोरते यांनी केली आहे.
