पती जागीच ठार, तर पत्नी गंभीर जखमी
गडचिरोली (Bike Accident) : दुचाकीवरील नियंत्रण सुटल्याने झालेल्या अपघातात पती जागीच ठार तर पत्नी गंभीर जखमी झाल्याची घटना आज २३ एप्रिल रोजी दुपारच्या सुमारास गडचिरोली- चामोर्शी मार्गावरील दर्शनी नजीक घडली. (Bike Accident) मोरेश्वर दादाजी सातपुते (६०) रा. चामोर्शी असे मृतकाचे नांव आहे तर सुमन मोरेश्वर सातपुते (५५ ) रा. चामोर्शी असे जखमीचे नांव आहे.
चामोर्शी येथील आशा सदन जवळ रहात असलेले मोरेश्वर सातपुते हे पत्नीला आणण्यासाठी केरोडा येथे दुचाकीने गेले होते . गडचिरोली मार्गे चामोर्शी येथे परत येत असताना पाणी पिण्यासाठी दुचाकीचा वेग कमी करण्याच्या प्रयत्नात दुचाकीवरील नियंत्रण सुटल्याने दर्शनी जवळच रस्त्याच्या बाजूला असलेल्या लोखंडी रेलिंगला (Bike Accident) दुचाकीचे धडक दिली. त्यात मोरेश्वर रेलिंगला लटकून जागीच ठार झाले तर पत्नी गंभीर जखमी झाली. त्यांना गडचिरोली येथील जिल्हा सामान्य रुग्णालयात उपचारासाठी दाखल करण्यात आले असून पुढील तपास गडचिरोली पोलीस करीत आहेत.