काटेबाम्हणी येथील घटना
उसर्रा (Truck Accident) : तुमसर-रामटेक मार्गावरील काटेबाम्हणी गावाजवळ एका ट्रकने दुचाकीस्वाराला चिरडले. त्यात दुचाकीस्वाराच्या पायावरुन ट्रकचे चाक (Truck Accident) गेल्याने दोन्ही पायांचा चेंदामेंदा होऊन निकामी झाले. दिलीप मोहन आगरे (४५) रा.उसर्रा, असे जखमीचे नाव असून त्याला उपचारार्थ नागपूरला हलविण्यात आले आहे.
उसर्रा येथील फर्निचरचे काम करणारा दिलीप आगरे हा साळा दुर्गेश सोनवाने याचेसोबत उसर्रा येथून सुंदरटोला येथे जात असतांना काटेबाम्हणी येथील टाकला फाट्यावर रस्त्यावर मोटारसायकल ठेऊन पाणी पिण्याकरीता सायकल स्टोअर दुकानाजवळ गेला होता. पाणी पिऊन मोटारसायकलकडे परत जात असतांना खाप्याकडून टाकला गावाकडे भरधाव जाणारा ट्रक क्र.एमएच ३६ एए ३२१५ चा चालक संजय कुकडे रा.सकरला, ता.मोहाडी, याने आपल्या ताब्यातील (Truck Accident) ट्रक निष्काळजीपणे चालवून रस्ता ओलांडत असलेल्या दिलीप आगरे याला चिरडले.
त्यात दिलीप आगरे याचे दोन्ही पायांचा चेंदामेंदा होऊन निकामी झाले. (Truck Accident) अपघाताची माहिती तुमसर पोलिसांना मिळताच त्यांनी घटनास्थळ गाठून जखमीला उपचाराकरीता उपजिल्हा रुग्णालय तुमसर येथे पाठविण्यात आले. मात्र जखमीची प्रकृती चिंताजनक असल्याने त्याला नागपूरला हलविण्यात आले. तक्रारीवरुन तुमसर पोलिसात आरोपी ट्रकचालक विरुद्ध गुन्हा दाखल केला आहे.