चिखली (Buldana) :- संभाजी नगर वरुण नागपूर येथे प्रवाशी घेवून जाणाऱ्या बस चालकाकडून मोटार सायकलला धडक बसली आणि घटनास्थळी दोन जणांचा मृत्यू झाला व एक गंभीर झाला होता . त्यामुळे या अपघातास कारणीभूत ठरणाऱ्या एसटी बस चालका विरुध्द अंढेरा पोलिसांनी गुन्हा दाखल करूण एसटी बस ताब्यात घेतली .
एसटी बसही लावली पोलीस ठाण्यात
केळवद येथील मृतकाचे भाऊ राजू भगवान सगट यांनी अंढेरा पोलीस स्टेशनला येवून तक्रार दाखल केली की दिनांक २३ सप्टेंबर रोजी सकाळी साडे सहा वाजेच्या दरम्यान भाऊ संतोष सगट हा गावातील त्याचे मित्र गगन जोमाळकर व राजू भीमराव कोलागडे यांच्या सोबत ज्ञानेश्वर गगन जोमाळकर यांच्या हिरो होंडा मोटरसायकल क्रमांक एम एच २८ ए ए ४१६२ ने देऊळगाव मही येथे गेले होते. दुपारी गावातील संतोष सुभाष गायकवाड यांचा फोन आला की मेरा खुर्द येथे मोटार सायकलचा अपघात झाला आणि त्यांमध्ये तुमचा भाऊ आहे. तुम्ही तेथे जा असे सांगितल्याने लगेच गावातील सुरेश हिम्मतराव यंगड, दत्तात्रय श्रीराम खोलगडे यांच्यासोबत मेरा खुर्द फाट्यावर गेलो असता आम्हाला मेरा खुर्द फाट्याजवळ दीपक शिंदे यांच्या शेताजवळ ज्ञानेश्वर गगन जोमाळकर यांच्या मोटार सायकलचा अपघात झालेला दिसला आणि आजू बाजूला पाहीले असता भाऊ संतोष भगवान सगट व राजू भीमराव कोलागडे हे दोघे जण जागेवरच मृतक झालेले दिसले व ज्ञानेश्वर मगन जोमाळकर हा गंभीर जखमी झाल्याने दिसले.
तीन जणांपैकी दोन जणांचा जागी मृत्यू झाला व तिसरा गंभीर
त्यावेळी मेरा खुर्द येथील लोकांनी जखमी असलेला ज्ञानेश्र्वर जामोळकर याला उपचारासाठी ग्रामीण रुग्णालय(Rural Hospital) चिखली येथे पाठवले होते. तेव्हा घटनास्थळी मेरा खुर्द येथील उपस्थितीत लोकांना अपघाताबाबत विचारपूस केली असता त्यांनी सांगितले की हिरो होंडा मोटरसायकल क्रमांक एम एच १४ ए क्यू ४९६७ ही मेरा खुर्द फाट्यावर चिखली कडे जात होती. त्यांच्या पाठीमागून बस क्रमांक एम एच १४ के क्यू ४९६७ हिने मोटरसायकलला मागून जबर धडक मारल्याने मोटारसायकल रोडवर आदळली आणि मोटार सायकल वरील तीन जण रोडवर अडळत शेतात जावून पडले आणि तीन जणांपैकी दोन जणांचा जागी मृत्यू झाला व तिसरा गंभीर (Injured)जखमी झाला झाल्याने पोलिसांनी उपचारासाठी ग्रामीण रुग्णालय चिखली येथे पाठवले आहे. या अपघातास एसटी बस चालकच कारणीभुत आहे असे सांगण्यात आले अशी तक्रार मृतकाचे भाऊ राजू भगवान सगट यांनी पोलीस स्टेशनला दिली. या तक्रारी वरुण ठाणेदार विकास पाटील यांच्या मार्गदर्शनाखाली बिट जमादार कैलास उगले यांनी आरोपी एसटी बस चालक प्रवीण हिरालाल अभंग वय ४० रा- भीम नगर उस्मानपुरा, जिल्हा-छत्रपती संभाजी नगर यांच्या विरूध्द कलम २८१, १२५ (a ), १२५ (b), १०६, (1) BNS नुसार गुन्हा दाखल केला आणि एसटी बस ताब्यात घेतली. यावेळी घटनास्थळाला एसडीपीओ मनीषा कदम, ठाणेदार विकास पाटील यांनी भेट दिली .
