कामकाजापासून अलिप्त राहून जिल्हाधिकाऱ्यांना दिली निवेदन!
बुलढाणा (Buldhana Vakil Sangh) : जिल्हा वकिल संघाच्या वतीने विशेष सभेचे आयोजन करून सर्वोच्च न्यायालयातील घडलेल्या घटनेचा तीव्र निषेध व्यक्त करणारा ठराव एकमताने पारित करत आज कामकाजावर बहिष्कार टाकत या संदर्भात जिल्हाधिकाऱ्यांना निवेदन दिले.
६ ऑक्टोबर रोजी नवी दिल्ली येथे सर्वोच्च न्यायालयाचे माननीय मुख्य न्यायमूर्ती, महाराष्ट्राचे भूषण बी. आर. गवई यांच्या न्यायालयीन कक्षामध्ये न्यायप्रविष्ट कामकाज सुरू असताना (Buldhana Vakil Sangh) वकील राकेश किशोर यांनी मुख्य न्यायमूर्तींसोबत गैरवर्तन करून स्वतःला इजा पोहोचविण्याचा प्रयत्न केल्याची धक्कादायक घटना घडली.
आज बुधवार ८ ऑक्टोबर या घटनेचा (Buldhana Vakil Sangh) बुलढाणा जिल्हा वकिल संघाने तीव्र शब्दांत निषेध नोंदवला असून, अशा प्रकारच्या घटनांवर न्यायालयीन पातळीवर कठोर कायदेशीर व फौजदारी कारवाई करण्यात यावी, अशी मागणी संघाने केली आहे.
संघाचे अध्यक्ष ॲड. विजय एच. साळवे आणि सचिव ॲड. अमर एस. इंगळे यांच्या स्वाक्षरीने जारी निवेदनात म्हटले आहे की, मुख्य न्यायमूर्तींच्या सन्मान व न्यायपालिकेच्या प्रतिष्ठेवर आघात करणाऱ्या कोणत्याही कृत्याला सहन केले जाणार नाही. या (Buldhana Vakil Sangh) दुर्दैवी घटनेचा निषेध करत न्यायालयीन अधिकाऱ्यांच्या सुरक्षेची योग्य उपाययोजना करण्यात यावी.. अशी मागणी केली.
