यापुढे सहायक महसूल अधिकारी व ग्राम महसूल अधिकारी म्हणून करणार काम
पुसद (Pusad Revenue Department) : महसूल विभाग हा शासनाचा कणा असून जिल्हाधिकारी व विभागीय आयुक्त स्तरावर कामकाज करण्यात येते. या महसूल विभागातील काही पदांचे पदनाम बदलण्याची मागणी कर्मचारी संघटनांकडून पुढे येत होती व शासनस्तरावर विचाराधीन होती. यात अव्वल कारकून यांना कामकाजांचे नियंत्रण करताना संबंधित विभागातील अधिकारी व कर्मचारी यांच्याशी संपर्क साधताना महसूल विभागातील (Pusad Revenue Department) अव्वल कारकून संवर्गास एक विशिष्ट पदनाम असणे आवश्यक आहे. याकरिता अव्वल कारकून यांचे पदनाम बदलून त्याला सहायक महसूल अधिकारी, असे पदनाम करण्याबाबतची मागणी महाराष्ट्र राज्य महसूल कर्मचारी संघटनेद्वारे बऱ्याच कालावधीपासून करण्यात येत होती.
नुकताच शासनाच्या महसूल विभागाकडून (Pusad Revenue Department) प्रसिद्ध करण्यात आलेल्या शासन निर्णय दि. १४ ऑक्टोबर, २०२४ नुसार अव्वल कारकून यांच्या पदनामात बदल करून “सहायक महसूल अधिकारी”, तर तलाठी पदनामात बदल करून “ग्राम महसूल अधिकारी”, असे पदनाम करण्यात आले आहे. तसेच कोतवाल यांना “महसूल सेवक” करण्यात आले आहे. त्यामुळे कर्मचारी संघटनांच्या मागणीला यश आल्याचे बोलत्या जात आहे.महसूल विभागातील कनिष्ठ लिपीक यांचे पदनाम यापूर्वीच महसूल सहायक म्हणून बदलविण्यात आले होते. आता बदलण्यात आलेल्या पदनामामुळे तहसील कार्यालय, उपविभागीय अधिकारी कार्यालय किंवा जिल्हाधिकारी कार्यालय येथे कनिष्ठ लिपीक, वरिष्ठ लिपीक, अव्वल कारकून असे पदनाम दिसणार नाहीत. महसूल विभागातील पदनाम बदल करण्याच्या मागणीला यश आले असून नुकताच शासनाने याबाबतचे शासन निर्णय काढले आहे. शासनाकडून पदनामात बदल झाल्याने कर्मचाऱ्यांमध्ये समाधान व्यक्त होत आहे.
“महसूल विभागातील आकृतिबंद, ग्रेट पे, जुनी पेन्शन आदी महत्त्वाच्या मागण्याही सोडवणे गरजेचे आहे. (Pusad Revenue Department) महसूल विभागातील अधिकारी व कर्मचाऱ्यांच्या विविध मागण्या शासनस्तरावर प्रलंबित आहेत. त्यापैकी नुकताच तलाठीचे ग्राम महसूल अधिकारी, अव्वल कारकूनचे सहायक महसूल अधिकारी म्हणून पदनामात बदल झाल्याबद्दल शासन प्रशासनाचे आभार.”
– दिलीप कोलेवाड, राज्य कार्याध्यक्ष, महसूल कर्मचारी संघटना (महाराष्ट्र राज्य).
“ग्रेट पे व पदनाम बदलाबाबतची मागणी बऱ्याच वर्षांपासून प्रलंबित होती. शासनाने आता ग्राम महसूल अधिकारी पदनाम करून पदनामाची मागणी मान्य केली त्याबद्दल शासनाचे आभार. अशीच ग्रेट पे ची मागणी मान्य करावी, ही अपेक्षा आहे.”
– आशिष जयसिंगपुरे, जिल्हाध्यक्ष, महसूल कर्मचारी संघटना, यवतमाळ