गडचिरोली (Gadchiroli) :- महाराष्ट्र प्रदेश काँग्रेस (Congress) कमिटीचे अध्यक्ष हर्षवर्धन दादा सपकाळ हे, गडचिरोली जिल्हा दौर्‍यावर येत असून दिनांक १२ जून २०२५ रोजी, दुपारी १२.०० वाजता, गडचिरोली येथील अभिनव लॉन येथे शेतकरी मेळावा व त्यानंतर ‘शेतकरी न्याय पदयात्रा’ काढण्यात येणार आहे. ही यात्रा अभिनव लॉन, गडचिरोली येथून जिल्हाधिकारी कार्यालयापर्यंत आयोजित करण्यात आली आहे. या यात्रेच्या माध्यमातून शेतकर्‍यांच्या (Farmer) विविध ज्वलंत प्रश्नांना वाचा फोडली जाणार आहे.
काँग्रेस प्रदेशाध्यक्ष हर्षवर्धन सपकाळ यांची राहणार प्रमुख उपस्थिती
या शेतकरी न्याय यात्रेत विधिमंडळ काँग्रेस पक्ष नेते आ.विजय वड्डेटीवार, खा.डॉ. नामदेव किरसान, खा. प्रतिभा धानोरकर, खा. श्यामकुमार बर्वे, खा. प्रशांत पडोळे, खा. बळवंत वानखेडे, अखिल भारतीय काँग्रेसचे सचिव कुणाल चौधरी,माजी खा. मारोतराव कोवासे, आ.रामदास मसराम, आ.अभिजीत वंजारी, आ. सुधाकर अडबाले, निरीक्षक सचिन नाईक, माजी जि. प. उपाध्यक्ष मनोहर पाटील पोरेटी यांच्यासह वरिष्ठ नेते व पदाधिकारी सहभागी होणार आहेत. या शेतकरी मेळाव्यास व शेतकरी न्याय पदयात्रेत जिल्ह्यातील शेतकरी बांधव, युवक, महिला, काँग्रेसचे पदाधिकारी कार्यकर्ते आणि नागरिकांनी मोठ्या संख्येने उपस्थित राहावेत, असे आवाहन गडचिरोली जिल्हा काँग्रेस कमिटीचे अध्यक्ष महेंद्र ब्राह्मणवाडे यांनी केले आहे.
