कनेरगाव/हिंगोली (Crop loan waiver) : कनेरगाव नाका येथील मुख्य राज्य रस्ता क्रमांक १६१ नांदेड -अकोला या राज्य रस्त्यावर २८ जून रोजी सकाळी १० वाजता स्वाभिमानी शेतकरी संघटनेच्या वतीने (Crop loan waiver) पिककर्ज माफीच्या मागणीकरीता रास्तारोको आंदोलन (Rastraroko movement) करण्यात आले . यावेळी दोन्हीकडे जाणारी सर्व वाहने दोन तास उभी होती . वाहनाच्या दोन्ही बाजूना रांगा दिसून येत होत्या. जवळपास दोन किमो मिटर पर्यंत वाहनांच्या दोन्ही बाजुला रांगा लागल्या होत्या.
हिंगोली जिल्ह्यातील सेनगाव तालुक्यातील ताकतोडा या ठिकाणी मागील पाच दिवसापासून शेतकरी उपोषणाला बसले असून त्याच्या उपोषणा स्थळी जिल्ह्यातील महसूल कृषी अधिकार्‍यांनी भेट न दिल्यामुळे शेतकरी संघटनेने रोष व्यक्त करून अखेर कनेरगाव नका येथे रास्ता रोको आंदोलन करण्यात आले. यावेळी कनेरगाव नाका व गोरेगाव परिसरातील सर्व शेतकरी उपस्थित होते व तसेच शेतकर्‍यांच्या मागण्या खालील प्रमाणे – कर्ज सरसकट माफ करा, सातबारा कोरा करा, पिक विमा देण्यात यावा, वन्य प्राण्यापासून शेताचे नुकसान होणार नाही याचा बंदोबस्त करण्यात यावा, शेतीमालाला योग्य भाव देण्यात यावा, शेतकर्‍यांच्या के वाय सी याद्या लवकरात लवकर तयार करून दुष्काळी देण्यात यावी, काम चुकार पणा करणार्‍या कृषी अधिकार्‍यांवर कारवाई करण्यात यावी, मंडळ अधिकारी,तलाठी, कृषी सहाय्यक व ग्रामसेवक यांनी दिलेल्या गावात राहून शेतकर्‍यांची कामे करावी.
अशा मागण्या (Crop loan waiver) शेतकर्‍यांनी रास्तारोको आंदोलन (Rastraroko movement) करताना ठेवण्यात आल्या. परंतु वरील कर्मचारी कधीच गावात हजर राहत नाहीत तसेच त्यांच्याशी दुरध्वनी वरून संपर्क केला असता त्यांच्याशी संपर्क होत नाही (नेहमीच नॉट रिचेबल असल्याचे दिसते ) सदरील आंदोलनाची वरिष्ठांना व गोरेगाव पोलीस निरीक्षक रवींद्र हुंडेकर व कनेरगाव नाका पोलीस चौकीचे सहाय्यक उपनिरीक्षक संतोष आघाव यांना यांची कल्पना नव्हती. वेळेवर माहिती मिळाल्यामुळे रास्तारोको या ठिकाणी हजर झाले व चोख बंदोबस्त ठेवून आंदोलन कर्त्याला ताब्यात घेतले, अशी माहिती यावेळी बोलताना गोरेगावचे सहाय्यक पोलीस निरीक्षक रविंद्र हुंडेकर यांनी सांगितले. दरम्यान या प्रकरणात रस्त्यावर टायर जाळून रास्ता रोको आंदोलन केल्याने गोरेगाव पोलिसात गुन्हा दाखल करण्यात आला आहे.
