परभणी/ताडबोरगाव(Parbhani):- मानवत ते ताडबोरगाव रोडवर ५ डिसेंबर रोजी साडे आठच्या सुमारास कार – दुचाकी अपघातातील एका गंभीर जखमीचा उपचारा दरम्यान शनिवार ७ डिसेंबर रोजी पहाटेच्या सुमारास मृत्यू(Death) झाला. तर दुसर्‍या जखमीवर उपचार सुरू आहेत.
आरोपी कार चालकावर परभणीतील मानवत पोलीस ठाण्यात गुन्हा दाखल
रशीद खान साहेब खान पठाण वय ४५ वर्ष, असे मृतकाचे नाव आहे. तर माजीद खान पठाण हे जखमी आहेत. या प्रकरणी यासीन खान यांच्या तक्रारीवरुन एम.एच. २२ ए.डब्ल्यु. ७४३३ या क्रमांकाच्या कार चालकावर गुन्ह्याची नोंद करण्यात आली आहे. आरोपी कार चालकाने त्याच्या ताब्यातील वाहन भरधाव वेगात निष्काळजीपणे चालवून दुचाकीला जोराची धडक दिली. यामध्ये दुचाकीवरील दोघेजण गंभीर जखमी झाले. त्यांना उपचारासाठी रुग्णालयात दाखल करण्यात आले. उपचारा दरम्यान ताडबोरगाव येथील रशीद खान यांचा शनिवारी पहाटे मृत्यू झाला. त्यांच्या पश्चात पत्नी, आई, दोन मुलं, दोन मुली असा परिवार आहे. प्रकरणाचा तपास पोउपनि. पतंगे करत आहेत.
