महाराष्ट्र फार्मर आयडी

महाराष्ट्रातील 29 लाख शेतकरी ‘फार्मर आयडी’विनाच! सरकारी सवलतींपासून वंचित राहण्याची भीती

Maharashtra Farmer ID: सुमारे 29 लाख शेतकरी अद्याप फार्मर आयडी (शेतकरी ओळख क्रमांक) पासून वंचित असल्याची माहिती समोर आली आहे. त्यामुळे या शेतकऱ्यांना विविध शासकीय योजना, अनुदान आणि सवलती

महाराष्ट्रातील 29 लाख शेतकरी ‘फार्मर आयडी’विनाच! सरकारी सवलतींपासून वंचित राहण्याची भीती

Maharashtra Farmer ID

 

योजना, अनुदान आणि खतवाटपात अडचणी येण्याची शक्यता

मुंबई/ वर्धा (Maharashtra Farmer ID) : राज्यातील सुमारे 29 लाख शेतकरी अद्याप फार्मर आयडी (शेतकरी ओळख क्रमांक) पासून वंचित असल्याची माहिती समोर आली आहे. त्यामुळे या शेतकऱ्यांना विविध शासकीय योजना, अनुदान आणि सवलतींचा लाभ मिळण्यात अडचणी निर्माण होण्याची भीती व्यक्त केली जात आहे. उर्वरित शेतकऱ्यांना फार्मर आयडी उपलब्ध करून देणे, हे आता शासकीय यंत्रणेसमोर मोठे आव्हान ठरत आहे.

शेतकऱ्यांसाठी आधार क्रमांकाप्रमाणेच फार्मर आयडी (Maharashtra Farmer ID) महत्त्वाचा मानला जात आहे. शेतजमीन स्वतःच्या नावावर असली, तरी विविध शासकीय योजनांचा लाभ घेण्यासाठी फार्मर आयडीची आवश्यकता भासणार आहे. त्यामुळे प्रत्येक पात्र शेतकऱ्याची या प्रणालीमध्ये नोंदणी होणे आवश्यक आहे.

फार्मर आयडीशिवाय योजनांचा लाभ मिळणार नाही?

शासनाने यापूर्वीच फार्मर आयडीशिवाय (Maharashtra Farmer ID) शेतकऱ्यांना शासकीय योजना आणि अनुदानांचा लाभ देऊ नये, असे निर्देश दिले आहेत. एकीकडे शासकीय कामकाजातील कागदपत्रांची संख्या कमी करण्यासाठी प्रयत्न सुरू असताना दुसरीकडे विविध योजनांसाठी स्वतंत्र नोंदणीची अट घातली जात असल्याने शेतकऱ्यांसमोर नवा प्रश्न निर्माण झाला आहे. राज्यातील शेतकरी खातेदारांची संख्या सुमारे 1 कोटी 71 लाखांच्या आसपास आहे. त्यापैकी आतापर्यंत सुमारे 1 कोटी 41लाख शेतकऱ्यांना फार्मर आयडी देण्यात आल्याचे सांगितले जात आहे. मात्र, अद्यापही मोठ्या संख्येने शेतकरी या नोंदणीपासून दूर आहेत.

वनपट्टेधारक शेतकऱ्यांचीही अपुरी नोंदणी

राज्यात वनपट्टेधारक शेतकऱ्यांची संख्या सुमारे 1 लाख 58 हजार आहे. त्यापैकी केवळ 67 हजार 508 शेतकऱ्यांना फार्मर आयडी (Maharashtra Farmer ID) क्रमांक देण्यात आल्याची माहिती आहे. उर्वरित वनपट्टेधारक शेतकऱ्यांची नोंदणी पूर्ण करण्याचे आव्हानही प्रशासनासमोर आहे. फार्मर आयडीमधील नोंदी आणि आवश्यक बदल करण्यासाठी दोन स्तरांवर सुविधा उपलब्ध करून देण्यात आल्या आहेत. मात्र, शेतकऱ्यांनी स्वतः शासकीय यंत्रणेशी संपर्क साधणे किंवा प्रशासनाने थेट शेतकऱ्यांपर्यंत पोहोचणे, हे दोन्ही पर्याय प्रत्यक्षात अडचणीचे ठरत आहेत. विशेषतः ग्रामीण आणि दुर्गम भागातील शेतकऱ्यांपर्यंत पोहोचणे प्रशासनासाठी आव्हानात्मक बनले आहे.

पीएम किसान योजनेतील माहितीच्या आधारे नोंदणी

प्रधानमंत्री किसान सन्मान निधी योजनेच्या माध्यमातून राज्य सरकारकडे उपलब्ध असलेल्या शेतकऱ्यांच्या माहितीचा (Maharashtra Farmer ID) फार्मर आयडी नोंदणीसाठी आधार घेतला जात आहे. मात्र, या योजनेतील सक्रिय लाभार्थी शेतकऱ्यांची संख्या सुमारे 89 लाख 46 हजार असल्याचे सांगितले जाते. त्यानुसार यापैकी सुमारे 79 लाख शेतकऱ्यांनाच फार्मर आयडी देण्यात आल्याची माहिती आहे.

खत मिळवण्यासाठीही फार्मर आयडी आवश्यक

दरम्यान, राज्यातील दुष्काळग्रस्त शेतकऱ्यांपर्यंत मदत पोहोचवण्यासाठी फार्मर आयडीचा आधार घेण्याबाबत मदत व पुनर्वसन विभागाकडून चाचपणी सुरू आहे. तसेच एकात्मिक खत व्यवस्थापन प्रणाली फार्मर आयडीशी जोडण्यात आली आहे. त्यामुळे (Maharashtra Farmer ID) फार्मर आयडी नसलेल्या शेतकऱ्यांना खत मिळवितानाही अडचणींचा सामना करावा लागू शकतो. एकूणच, शासकीय योजनांचा लाभ, अनुदान आणि खतवाटपासाठी फार्मर आयडीचे महत्त्व वाढत असताना राज्यातील लाखो शेतकरी अद्याप या नोंदणीपासून दूर आहेत. त्यामुळे उर्वरित शेतकऱ्यांची नोंदणी वेळेत पूर्ण करून त्यांना योजनांच्या लाभापासून वंचित राहण्यापासून रोखण्याचे मोठे आव्हान शासनासमोर उभे राहिले आहे.

संबंधित सामग्री

पुण्याची वाहतूक क्रांती! 2030 पर्यंत बनणार देशाचे मोबिलिटी हब

पुण्याची वाहतूक क्रांती! 2030 पर्यंत बनणार देशाचे मोबिलिटी हब

Pune Mobility Centre: पुणे, पिंपरी-चिंचवड आणि पुणे महानगर प्रदेशात आधुनिक वाहतूक सुविधांचा विस्तार वेगाने सुरू आहे. मेट्रो, इलेक्ट्रिक बस, इनर आणि आउटर रिंग रोड, भूमिगत मार्ग, बोगदे तसेच नव्या विमानतळ

Nov 04, 2026
दिवाळीपूर्वी FDA ची धडक मोहीम; 9 कोटींचा अन्नसाठा जप्त

दिवाळीपूर्वी FDA ची धडक मोहीम; 9 कोटींचा अन्नसाठा जप्त

Food and Drug Administration: दिवाळीच्या पार्श्वभूमीवर अन्नपदार्थांमधील भेसळ, अवैध साठवणूक आणि निकृष्ट खाद्यपदार्थांच्या विक्रीला आळा घालण्यासाठी अन्न व औषध प्रशासनाने (FDA) राज्यभरात विशेष मोहीम...

Nov 04, 2026
राजकीय वर्तुळात खळबळ: नर्मदा नदीत आढळली 343 मतदार ओळखपत्रे; निवडणूक यंत्रणेवर प्रश्नचिन्ह

राजकीय वर्तुळात खळबळ: नर्मदा नदीत आढळली 343 मतदार ओळखपत्रे; निवडणूक यंत्रणेवर प्रश्नचिन्ह

Election Commission Voter ID Cards: मध्य प्रदेशातील खरगोन जिल्ह्यातील मंडलेश्वर येथे नर्मदा नदीच्या घाटावर स्वच्छता मोहीम राबविताना तब्बल 343 मतदार ओळखपत्रे आढळून आली आहेत, राजकीय वर्तुळात खळबळ..

Oct 27, 2026
ठाकरे गटाला मोठा धक्का! आनंद दुबे यांचा प्रवक्तेपदासह पक्षाला राजीनामा; राजकीय वर्तुळात खळबळ

ठाकरे गटाला मोठा धक्का! आनंद दुबे यांचा प्रवक्तेपदासह पक्षाला राजीनामा; राजकीय वर्तुळात खळबळ

ठाकरे गटाचे प्रवक्ते आनंद दुबे यांचा राजीनामा. पक्षाच्या कामकाजावर नाराजी आणि पहलगाम हल्ल्याच्या पार्श्वभूमीवर मांडलेल्या भूमिकेमुळे राजकीय चर्चा सुरू.

Oct 12, 2026
MPSC अध्यक्षांच्या चौकशीवरून गुणरत्न सदावर्तेंचा सवाल; तुकाराम मुंडेंबाबत काय म्हणाले?

MPSC अध्यक्षांच्या चौकशीवरून गुणरत्न सदावर्तेंचा सवाल; तुकाराम मुंडेंबाबत काय म्हणाले?

MPSC आंदोलनावरून गुणरत्न सदावर्तेंचा रोहित पवारांवर हल्लाबोल. भीमनवार यांच्या चौकशीबाबत तुकाराम मुंडे आणि अनुच्छेद 317 चा संदर्भ देत मोठा दावा.

Oct 12, 2026