परभणी (Parbhani):- शहर महापालिकेच्या आयुक्तपदी धैर्यशिल जाधव यांची नियुक्ती करण्यात आली. आयुक्त तृप्ती सांडभोर यांची बदली करण्यात आली असून त्यांच्या पदस्थापनेचे आदेश स्वतंत्रपणे निर्गमित करण्यात येणार आहेत. या बाबत शासनाच्या नगर विकास विभागाने शुक्रवार १६ ऑगस्ट रोजी शासन आदेश काढले आहेत.
परभणी शहर महापालिका; नगर विकास विभागाचे आदेश
मनपा आयुक्त (Municipal Commissioner) तृप्ती सांडभोर यांच्या कारभाराविषयी नाराजीचा सुर उमटत होता. कर्मचारी संघटना असतील किंवा लोकप्रतिनिधी यांनी आयुक्तांच्या बदलीची मागणी केली होती. नगर विकास विभागाने आता आयुक्त तृप्ती सांडभोर यांच्या बदलीचे आदेश काढले आहेत. १६ ऑगस्ट पासून तृप्ती सांडभोर यांना कार्यमुक्त करण्यात येत असून त्यांच्या पदस्थापनेचे आदेश स्वतंत्रपणे निर्गमित करण्यात येणार आहेत. नवीन आयुक्त म्हणून कल्याण – डोंबिवली महानगर पालिकेचे उपायुक्त धैर्यशिल जाधव यांची नियुक्ती करण्यात आली आहे.
