ढीवर समाज अर्जुनी मोरगाव कडून खासदारांना निवेदन
अर्जुनी मोर (MP Dr. Prashant Padole) : मत्स्यपालन सहकारी संस्था अर्जुनी मोरगाव आणि अखिल ढीवर समिती अर्जुन मोरगाव च्या संयुक्त विद्यमाने आयोजित ढीवर समाज मेळावा आणि सत्कार समारोह प्रसंगी ढीवर समाजाकडून खासदार डॉ. प्रशांत पडोळे (MP Dr. Prashant Padole) यांना विविध समस्या आणि आरक्षणा बाबत निवेदन देण्यात आले. नवेगाव बांध येथिल उप बाजार समिती मध्ये (Dhivar Samaj) ढीवर समाज मेळावा आणि सत्कार समारोह प्रसंगी मत्स्यपालन सहकारी संस्था आणि अखिल ढीवर विकास समिती अर्जुनी मोरगाव कडून नवनिर्वाचित भंडारा -गोंदिया चे खासदार डॉक्टर प्रशांत पडोळे यांना शाल, श्रीफळ आणि भारतीय संविधान देऊन सत्कार करण्यात आला.
या कार्यक्रमाचे अध्यक्षस्थानी अखिल ढीवर विकास समिती अर्जुन मोरगावचे अध्यक्ष राजू वलथरे हे होते. प्रमुख अतिथी म्हणून डिस्ट्रिक्ट सेंटर को-ऑपरेटिव बँक भंडाराचे उपाध्यक्ष तथा ढीवर समाजाचे सामाजिक कार्यकर्ते सदाशिव वलथरे, ढीवर समाजाचे प्रवर्तक सेवानिवृत्त प्राध्यापक जनार्दन नागपूरे , माजी आमदार तथा जिल्हा काँग्रेस कमिटी गोंदियाचे जिल्हाध्यक्ष दिलीप बनसोड, नवेगावबांध चे सरपंच हिराबाई पंधरे, भिवखिडकीचे सरपंच धनराज कांबळे, अजय मोहनकर सुनील शिवरकर, अमृत मोहनकर, नीलमचंद पंधरे प्रामुख्याने उपस्थित होते.
ढीवर समाजामधील (Dhivar Samaj) खूप मोठ्या समस्या असून त्या समस्या खासदार यांना निवेदना मधून आणि मुख्य प्रवर्तक जनार्दन नागपुरे यांनी समस्या बाबत अवघड केले. यामध्ये यशवंतराव चव्हाण घरकुल योजना, पंतप्रधान आवास योजना ,तलावांचे मोजमाप, तलावामध्ये होत असलेल्या अतिक्रमण, तलावाचे खोलीकरण करून पाणी साठवून ठेवण्याची क्षमता वाढेल, अतिवृष्टीमुळे तलाव फुटल्यास मत्स्यबीज व मासोड्या वाहून गेल्यास त्यांना नुकसान भरपाई देणे, आधुनिक पद्धतीने मत्स्यपालन करण्यासाठी प्रत्येक वर्षी आधुनिक कार्यशाळेचे आयोजन करणे, अर्जुनी मोरगावात तालुक्यातील मत्स्य सहकारी संस्थांसाठी शीतगृहाची व्यवस्था करणे, तालुक्यात 15 समाज भावनाची आवश्यकता, असून प्रत्येक मत्स्य सहकारी संस्थेला पक्क्या इमारतीचे बांधकाम आणि राजकीय नेतृत्व प्रधान करून जिल्हा परिषद पंचायत समितीमध्ये आरक्षण देण्यात यावे आणि स्वातंत्र्यापूर्वी ढीवर समाजाला जो आरक्षण होता तो आरक्षण पुन्हा प्रदान करण्यात यावा याविषयी समस्या खासदार यांच्यासमोर मांडण्यात आले.
याप्रसंगी दिलीप बनसोड यांनी ढीवर समाजातील आरक्षणाबाबत बोलताना आम्ही नेहमी तत्पर राहू असे आश्वासन दिले तर सदाशिव वलथरे यांनी ढीवर समाजात एकतेची भावना असून एक मोठी सक्ती निदर्शनास येत असून समाजाने संघटित होऊन संघर्ष करत राहावे त्यासाठी आम्ही आपल्या पाठीशी आहोत असे समाजाला संबोधित करताना बोलत होते.
विशेष अतिथी आणि सत्कारमूर्ती खासदार डॉक्टर प्रशांत पडोळे यांनी ढीवर समाजातील समस्या जाणून घेतले आणि आरक्षणाबाबतच्या मुद्दा मी लोकसभेमध्ये मांडून ढीवर समाजातील सर्व समस्या मार्गी लावणार असे आश्वासन (दी.२७) ला आयोजित ढीवर मेळावा आणि सत्कार समारोह प्रसंगी बोलत होते.
कार्यक्रमाची सुरुवात महात्मा गांधी, शाहू महाराज, डॉक्टर बाबासाहेब आंबेडकर, जतीराम बर्वे, सावित्रीबाई फुले ,महर्षी एकलव्य यांच्या प्रतिमेचे पूजन करुन दीप प्रज्वलित करण्यात आले. प्रामुख्याने कार्यक्रमाला अर्जुनी मोरगाव तालुक्यातील आणि परिसरातील ढीवर समाजातील महिला पुरुष हजारोंच्या संख्येने एकत्रित झाले होते. कार्यक्रमाचे प्रास्ताविक अजय मोहनकर यांनी केले. कार्यक्रमाचे सूत्रसंचालन प्रकाश वलथरे तर आभार प्रदर्शन ज्ञानेश्वर मेश्राम यांनी केले. कार्यक्रम यशस्वी करण्याकरिता मत्स्यपालन सहकारी संस्था आणि अखिल ढीवर विकास समिती चे सर्व सदस्य पदाधिकाऱ्यांनी सहकार्य केले.
