हिंगोली (Sant Namdev Warkari Educational Institute) : तालुक्यातील नर्सी नामदेव येथील श्री संत नामदेव महाराज वारकरी बाल शिक्षण संस्थेच्या विद्यार्थ्यांना सत नामदेव मंदिर संस्थानचे विश्वस्त भिकुलाल बाहेती यांच्या वतीने चादरीचे वाटप करण्यात आले. येथील संत नामदेव महाराज मंदिर परिसरात संत नामदेव महाराज वारकरी बाल शिक्षण संस्था असून या ठिकाणी ७५ बाल वारकरी विद्यार्थी शिक्षणासोबतच वारकरी धर्म संप्रदायाचे शिक्षणाचे धडे गिरवित आहेत.
जिल्हा व जिल्ह्याबाहेरील विद्यार्थी या (Sant Namdev Warkari Educational Institute) ठिकाणी शिक्षण घेण्यासाठी आलेले असून सदरील विद्यार्थ्यांना दरवर्षी प्रमाणे याही वर्षी संस्थानचे विश्वस्त भिकुलाल बाहेती, यांच्या वतीने सोलापुरी चादरीचे वाटप करण्यात आले. यावेळी लता बाहेती, डॉ आशिष बाहेती,अनुश्री बाहेती,शिवांश बाहेती, तसेच संस्थानचे उपाध्यक्ष भिकाजी किर्तनकार, विश्वस्त रमेश महाराज मगर, संतोष टेकाळे, माधवराव पवार, दत्तराव वरणे,भैय्या ठाकूर, अशोक पवार,सौरव पवार,आदी उपस्थित होते.
