परभणी(Parbhani) :- तु तुझ्या बहिणीच्या हळदीच्या कार्यक्रमात डिजे (D.J)लावला होता. तु आम्हाला डिजेच्या गाण्यावर का नाचु दिले नाहीस?, असे म्हणत एकाला शिवीगाळ (abuse) करत मारहाण करण्यात आली. भांडण सोडविण्यासाठी आलेल्या महिलेलाही मारहाण करुन जीवे मारण्याची धमकी देण्यात आली.
परभणी शहरातील युसूफ कॉलनी येथील घटना; नवा मोंढा पोलिसात नोंद
ही घटना परभणी शहरातील युसूफ कॉलनी भागात गुरुवार २५ जुलै रोजी रात्री अकरा वाजेच्या सुमारास घडली. या प्रकरणी नवा मोंढा पोलीस ठाण्यात गुन्हा दाखल करण्यात आला आहे. अदिनाथ कांबळे यांनी तक्रार (complaint) दिली आहे. फिर्यादी हे चुलत बहिणीच्या हळद कार्यक्रमात गेले होते. कार्यक्रम अटोपून घराकडे येत असताना पाठी मागुन आलेल्या आरोपींनी त्यांना थांबविले. तु डिजेच्या गाण्यावर आम्हाला नाचु का दिले नाही, असे म्हणत वाद घालत मारहाण केली. भांडण सोडविण्यासाठी आलेल्या इतर एका महिलेलाही मारहाण करण्यात आली. या प्रकरणी संदीप हिवाळे, अभिषेक गवारे, सागर हिवाळे, सुमित गवारे यांच्यावर गुन्हा दाखल करण्यात आला आहे. नवा मोंढा पोलीस अधिक तपास करत आहेत.
