पातुर (Dr. Babasaheb Ambedkar) : तालुक्यातील चान्नी गावात डॉ. बाबासाहेब आंबेडकर (Dr. Babasaheb Ambedkar) यांच्या जयंतीनिमित्त लावलेल्या बॅनरची विटंबना झाल्याने गावात तणावाचं वातावरण निर्माण झालं होतं. पोलिसांनी तात्काळ हस्तक्षेप करत तीन जणांविरोधात गुन्हे दाखल केले आहेत. अकोल्याच्या पातुर तालुक्यातील चान्नी गावात भारतरत्न डॉ. बाबासाहेब आंबेडकर (Dr. Babasaheb Ambedkar) यांच्या जयंतीनिमित्त लावण्यात आलेल्या बॅनरची अज्ञात व्यक्तींनी विटंबना केल्याची घटना समोर आली आहे. या घटनेनंतर गावात काही काळ तणावाचं वातावरण निर्माण झालं होतं. बॅनरची विटंबना होताच गावातील आंबेडकरी अनुयायांमध्ये तीव्र संताप निर्माण झाला.
त्यांनी थेट चान्नी पोलीस ठाण्यावर मोर्चा काढत कडक कारवाईची मागणी केली. या (Dr. Babasaheb Ambedkar) प्रकारामुळे गावात तणाव वाढू नये म्हणून पोलिसांनी तात्काळ घटनास्थळी पोहोचून परिस्थिती नियंत्रणात आणली. पोलिसांच्या चौकशीनंतर या प्रकरणात विठ्ठल गजानन ढोरे, रोहन दिगंबर आढाव आणि विराज देवमन चराटे या तिघांविरोधात गुन्हे दाखल करण्यात आले असून त्यांना अटक करण्यात आली आहे.
“घटनेनंतर आम्ही तात्काळ कारवाई करत तिघांवर गुन्हे दाखल केले असून चौकशी सुरू आहे. गावात शांतता राखण्याचं आवाहन करत आहोत.” सद्यस्थितीत गावात शांतता आहे. मात्र तणाव अजूनही अधूनमधून जाणवत आहे. (Dr. Babasaheb Ambedkar) पोलिसांनी ग्रामस्थांना अफवांवर विश्वास न ठेवण्याचं आणि शांतता राखण्याचं आवाहन केलं आहे. घटनेची चौकशी सुरू असून दोषींवर कठोर कारवाई केली जाईल, असं प्रशासनाकडून सांगण्यात आलं आहे.
