मानोरा (Dr. Shyam Jadhav) : २० नोव्हेंबर रोजी होत असलेल्या विधानसभा निवडणुकीच्या पार्शभूमीवर रा. कॉ. शरदचंद्र पवार पक्षाचे प्रदेश सरचिटणीस डॉ. श्याम जाधव (नाईक) (Dr. Shyam Jadhav) यांना पक्षाच्या वरिष्ठ नेत्यांनी अखेरच्या क्षणापर्यंत उमेदवारी देण्याचा विश्वास दर्शवीला होता. परंतु शेवटी पक्षाच्या बाहेरील व्यक्तीला उमेदवारी जाहीर केल्याने बंजारा समाजात तीव्र संताप व्यक्त होत आहे.
रा.कॉ पक्षाचे सर्वेसर्वा खा. शरदचंद्र पवार साहेब यांचे अत्यंत विश्वासू संयमी उच्च विद्या विभुषित तथा आज्ञाधारक निष्ठावंत कार्य तत्पर समजले जाणारे प्रदेश सरचिटणीस डॉ. श्याम जाधव (नाईक) यांनी कारंजा मानोरा विधानसभा मतदार संघातून उमेदवारी वर दावा केलेला होता. दरम्यान पक्षाकडे मुलाखत सुद्धा दिलेली होती, उमेदवारी बाबत विश्वास सुद्धा दर्शवीला होता. परंतु ऐन वेळेवर ज्या व्यक्तीने महायुतीकडून तत्कालीन लोकसभेच्या निवडणुकीत महाविकास आघाडीच्या उमेदवाराविरुद्ध प्रचार केला, अशा पक्षाबाहेरील इतर पक्षाच्या व्यक्तीला उमेदवारी जाहीर केल्याने डॉ. जाधव (Dr. Shyam Jadhav) यांचा विश्वासघात केल्याची तीव्र संतापजनक भावना बंजारा समाजात उमटत आहे.
