कुडेगाव शेतशिवारातील घटना
लाखांदुर (Farmer Death) : शेतातील धुर्यावरून पाय घसरून शेतकरी बांधीत कोसळला. यात शेतात साचलेले पाणी व चिखलामुळे त्याचा गुदमरून मृत्यू झाला. ही हृदयद्रावक घटना बुधवार दि.१३ ऑगस्ट रोजी दुपारी १.३० वाजताच्या सुमारास कुडेगाव येथील शेतशिवारात घडली. दिनेश बाळकृष्ण शिवणकर (५०) असे मृत शेतकर्याचे नाव आहे.
पोलिस सूत्रानुसार, दुपारच्या सुमारास शिवणकर हे लागवडीखालील धान पिकाची पाहणी करण्यासाठी गेले होते. पायी जात असताना दिनेश यांचा पाय घसरल्याने शेतात साचलेले पाणी व चिखलात ते कोसळले. यात त्यांच्या नाका-तोंडात पाणी व चिखल गेल्याने त्यांचा (Farmer Death) गुदमरून मृत्यू झाला. ही घटना शेतशिवारातून घरी परत येणार्या अन्य मजुरांच्या लक्षात येताच त्यांनी या घटनेची माहिती पीडित शेतकर्याच्या कुटुंबांसह लाखांदूर पोलिसांना दिली.
लाखांदूर ठाण्यातील पो.हवा.सतीश सिंगनजुडे, पो.अंमलदार विकास रणदिवे यांनी घटनास्थळी पोहोचत पंचनामा करीत (Farmer Death) मृतदेह शवविच्छेदनासाठी पाठविला. या घटनेत पोलिसांनी आकस्मिक मृत्यूची नोंद घेतली असुन या तपास ठाणेदार सचिन पवार यांच्या मार्गदर्शनात सुरू आहे.(ता.प्र.)
