IPL 2025 RCB vs DC :- आयपीएल २०२५ मध्ये चांगली कामगिरी करणारे दोन संघ (RCB vs DC) आज म्हणजे १० एप्रिल रोजी आमनेसामने येणार आहेत. हा सामना बेंगळुरूच्या (Bangalore) एम चिन्नास्वामी स्टेडियमवर (Chinnaswamy Stadium) खेळवला जाणार आहे. आरसीबी संघ त्यांच्या घरच्या मैदानावर चालू हंगामातील पहिला विजय नोंदवण्यासाठी उत्सुक असेल. तर दिल्ली (Delhi Team) संघाला चौथा विजय मिळवायचा आहे.
आयपीएल २०२५ चा २४ वा सामना १० एप्रिल रोजी खेळवला जाणार
Royal Challengers Bangalore आणि Delhi Capitals यांच्यातील आयपीएल २०२५ चा २४ वा सामना १० एप्रिल रोजी खेळवला जाणार आहे. हा सामना बेंगळुरूच्या एम चिन्नास्वामी स्टेडियमवर खेळला जाईल. आरसीबी संघाने चालू हंगामात आतापर्यंत ४ पैकी ३ सामने जिंकले आहेत. मागील सामन्यात आरसीबीने पाच वेळा चॅम्पियन असलेल्या मुंबई इंडियन्सचा १२ धावांनी पराभव केला. त्याच वेळी, दिल्ली कॅपिटल्स संघाने चालू हंगामात एकही सामना गमावलेला नाही. अक्षर पटेलच्या (Akshar Patel) नेतृत्वाखालील दिल्ली कॅपिटल्स आता त्यांच्या चौथ्या विजयाकडे लक्ष केंद्रित करेल.शेवटच्या सामन्यात दिल्लीने सीएसकेचा २५ धावांनी पराभव केला. आता आरसीबी आणि दिल्ली कॅपिटल्स यांच्यात एक रोमांचक सामना खेळला जाऊ शकतो, परंतु दिल्लीसाठी आरसीबीला त्यांच्याच घरच्या मैदानावर हरवणे सोपे नसेल.
एम चिन्नास्वामी स्टेडियमच्या खेळपट्टीबद्दल जाणून घेऊया
आरसीबी आणि दिल्ली कॅपिटल्स यांच्यातील सामना १० एप्रिल रोजी बेंगळुरूच्या एम चिन्नास्वामी स्टेडियमवर खेळला जाणार आहे. ही खेळपट्टी फलंदाजांसाठी अनुकूल मानली जाते. या मैदानावर फलंदाज मोठे फटके मारताना दिसतात. खेळाच्या सुरुवातीला गोलंदाजांना मदत मिळते. त्यानंतर फिरकीपटूंचे वर्चस्व दिसून येते. येथे नाणेफेक महत्त्वाची भूमिका बजावते आणि जो कर्णधार नाणेफेक जिंकतो तो प्रथम गोलंदाजी करण्यास प्राधान्य देतो.
