Independence day:- आज 15 ऑगस्ट. भारत आपला 78 वा स्वातंत्र्यदिन साजरा करत आहे. पंतप्रधान नरेंद्र मोदी (Prime Minister Narendra Modi) यांनी लाल किल्ल्यावरून तिरंगा फडकवला. 11व्यांदा PM मोदींनी लाल किल्ल्यावर तिरंगा फडकवला. या विशेष प्रसंगी पक्ष आणि विरोधी पक्षाच्या नेत्यांसह 6 हजार विशेष पाहुणेही उपस्थित आहेत. आता पंतप्रधान मोदी देशाला संबोधित करत आहेत. आपल्या तिसऱ्या कार्यकाळात पहिल्यांदाच स्वातंत्र्य दिनानिमित्त तिरंगा ध्वज फडकवणारे पंतप्रधान मोदी हे तिसरे पंतप्रधान ठरले आहेत.
महिलांवरील गुन्हेगारीवर पंतप्रधान मोदींचा कडक संदेश
आपण गांभीर्याने विचार केला पाहिजे. आपल्या माता, भगिनी आणि मुलींवर होत असलेल्या अत्याचाराबद्दल सर्वसामान्यांमध्ये संताप आहे, देश, समाज आणि आपल्या राज्य सरकारांना त्याचा गांभीर्याने विचार करावा लागेल. महिलांवरील गुन्ह्यांची लवकरात लवकर चौकशी झाली पाहिजे. राक्षसी कृत्य करणाऱ्यांना लवकरात लवकर कठोर शिक्षा झाली पाहिजे, समाजात आत्मविश्वास निर्माण करणे गरजेचे आहे.
बांगलादेशात हिंदूंच्या सुरक्षेची काळजी घेतली पाहिजे – पंतप्रधान मोदी
लाल किल्ल्यावरून (Red Fort)बांगलादेशातील अल्पसंख्याकांवर होणाऱ्या अत्याचाराचा मुद्दा उपस्थित करत पंतप्रधान मोदी म्हणाले की, तेथील हिंदूंची सुरक्षा सुनिश्चित केली पाहिजे.
संरक्षण क्षेत्रात स्वावलंबी होणे – पंतप्रधान मोदी
एक काळ असा होता जेव्हा संरक्षण बजेट कितीही असलं तरी ते कुठे जातंय याची कोणालाच कल्पना नव्हती. संरक्षण अर्थसंकल्पातील बहुतांश भाग परदेशी खरेदीवर खर्च करण्यात आला. आज संरक्षण दलांनी अशा हजारो गोष्टी केल्या आहेत की, संरक्षण वस्तू देशातच तयार होत आहेत. संरक्षण क्षेत्रात आपण स्वावलंबी होत आहोत. भारताने नवी ओळख निर्माण केली आहे. जो देश बाहेरून लहान-मोठ्या संरक्षण वस्तू आणत असे, तोच भारत आज इतर देशांना निर्यात करत आहे.
भारत औद्योगिक उत्पादन केंद्र बनेल – पंतप्रधान मोदी
तो दिवस दूर नाही जेव्हा भारत औद्योगिक उत्पादनाचे(Industrial products) केंद्र होईल. जगातील अनेक उद्योगपतींना भारतात गुंतवणूक करायची आहे. मी राज्य सरकारांना आवाहन करतो की त्यांनी गुंतवणूकदारांना आकर्षित करण्यासाठी स्पष्ट धोरण ठरवावे आणि त्यांना कायदा व सुव्यवस्थेबाबत आश्वासन द्यावे. गुंतवणूकदारांना आकर्षित करण्यासाठी राज्यांमध्ये स्पर्धा असली पाहिजे.
5 वर्षात मेडिकलच्या 75 हजार जागा वाढवणार – पंतप्रधान मोदी
दरवर्षी सुमारे 25 हजार तरुण वैद्यकीय शिक्षणासाठी परदेशात जातात. अशा देशांत जावे लागते, याचा विचार करून मला धक्का बसतो. 5 वर्षात वैद्यकीय शिक्षणासाठी 75 हजार जागा वाढणार.
5G वर थांबणार नाही, मिशन मोडमध्ये 6G वर काम करतो: PM मोदी
5G भारतातील जवळपास सर्व भागात पोहोचले आहे. आम्ही 5G वर थांबणार नाही. आम्ही सध्या मिशन मोडमध्ये 6G वर काम करत आहोत.
