हिंगोली (Rural development) : सन २०२४-२५ या आर्थिक वर्षातील तरतुदीतून हिंगोली विधानसभा मतदार संघात आ.तान्हाजी मुटकुळे यांनी सूचविलेल्या ग्रामीण भागातील गावांतर्गत मुलभूत सुविधा पुरविणे या योजनेंतर्गत २ कोटी रूपयांच्या विकास कामांना मंजुरी देण्यात आली आहे.
हिंगोली विधानसभा मतदार संघातील बळसोंड भागात राजेश किलचे यांच्या घरापासून जुने बळसोंड गावापर्यंत रस्त्याकरीता १४ लाख रूपये, लोहगावात रस्त्याकरीता ९ लाख रूपये, गिलोरी पेव्हर ब्लॉकसाठी ९ लाख रूपये, सेनगाव तालुक्यातील खुडज येथे दत्त मंदीर व छत्रपती शिवाजी महाराज पुतळा परिसरात पेव्हर ब्लॉकसाठी १० लाख रूपये, कहाकर येथे पेव्हर ब्लॉक रस्त्यासाठी ९ लाख रूपये, सापडगाव हनुमान मंदीर परिसरात पेव्हर ब्लॉकसाठी १० लाख रूपये, सिनगी खांबा गावांतर्गत पेव्हर ब्लॉक रस्त्याकरीता ९ लाख रूपये, आजेगावात छत्रपती शिवाजी महाराज पुतळा परिसरात पेव्हर ब्लॉकसाठी ८ लाख रूपये, सवना सीसी रस्त्यासाठी ८ लाख रूपये, नागमाथा गावांतर्गत स्मशानभूमी रस्त्यासाठी ८ लाख रूपये, कनेरगाव नाका पेव्हर ब्लॉक रस्त्यासाठी ९ लाख रूपये, हिंगोली तालुक्यातील जामठी गावांतर्गत पेव्हर ब्लॉकसाठी ८ लाख रूपये, वांझोळा येथे पेव्हर ब्लॉकसाठी १० लाख रूपये, वाघजाळी गावांतर्गत मंदीर परिसरात पेव्हर ब्लॉक रस्त्यासाठी १० लाख रूपये, पळशी येथे पेव्हर ब्लॉक व नाली काढण्यासाठी ८ लाख रूपये, सुकळी बु.येथे पेव्हर ब्लॉकसाठी ९ लाख रूपये, सेनगाव तालुक्यातील ब्राम्हणवाडा गावांतर्गत पेव्हर ब्लॉकसाठी ८ लाख रूपये, अठ्ठरवाडी येथे पेव्हर ब्लॉक करीत ९ लाख रूपये, वटकळी येथे पेव्हर ब्लॉकसाठी ९ लाख रूपये, हिंगोली तालुक्यातील कारवाडी भागात वैâ.विठ्ठलराव घुगे प्राथमिक शाळेकडे जाण्यासाठ सीसी रस्ता करण्याकरीता ८ लाख रूपये, इंचा येथे पेव्हर ब्लॉकसाठी ८ लाख रूपये, वरखेडा गावांतर्गत शनी हनुमान परिसरात पेव्हर ब्लॉक रस्त्यासाठी १० लाख रूपये असा एकूण २ कोटी रूपयाचा निधी मंजूर करण्यात आला आहे. सदरील कामे विहीत कालावधीत पूर्ण करावेत, मंजूर कामांन कार्यारंभ आदेश शासन निर्णयाच्या मुदतीत कालमर्यादेत द्याव्या, या कालावधीनुसार कार्यारंभ आदेश दिल्याचे निदर्शनास आल्यास संबंधितावर शिस्तभंगाची कार्यवाही केली जाईल, असा इशाराही देण्यात आला आहे. कामामध्ये कोणत्याही प्रकारची अनियमितता होणार नाही याची खबरदारी जि.प.मुख्य कार्यकारी अधिकार्यांनी घ्यावी अशा सूचनाही शासन निर्णयात दिल्या आहेत.
