गडचिरोली (Gadchiroli Police) : घरासमोरील अंगणात खाटेवर झोपून असलेल्या व्यक्तीच्या अंगावर मध्यरात्री अज्ञात (Gadchiroli crime) आरोपीने पेट्रोल टाकून पेटवून दिल्याची धक्कादायक घटना २ जून रोजी अहेरी तालुक्यातील नक्षलग्रस्त छल्लेवाडा येथे उघडकीस आली. चरणदास गजानन चांदेकर (४८) असे जळालेल्या व्यक्तीचे नाव असून त्यांच्यावर चंद्रपूर येथे उपचार सुरु आहे. वाढलेल्या तापमानामुळे ग्रामीण भागातील नागरिक रात्री घरापुढील अंगणात झोपतात. जिल्ह्यातील (Aheri Taluka) अहेरी तालुक्यात येत असलेल्या नक्षलग्रस्त छल्लेवाडा येथील रहिवासी असलेले चरणदास चांदेकर सुद्धा घरासमोरील अंगणात खाटेवर झोपलेले होते.
गंभीर जखमी इसमावर उपचार सुरू
दरम्यान, मध्यरात्री अज्ञात आरोपीने त्यांच्या अंगावर पेट्रोल टाकून आग (Gadchiroli crime) लावली व पळून गेले. यावेळी त्यांच्या बाजूला दुसऱ्या खाटेवर झोपून असलेल्या कुटुंबातील इतर सदस्यांना ही बाब समजताच त्यांनी आग विझवली. परंतु तोपर्यंत आगीमुळे चरणदास यांना गंभीर इजा झाली होती. त्यांना उपचारासाठी चंद्रपूरला हलवण्यात आले आहे. (Gadchiroli Police) पोलिसांनी दिलेल्या माहितीनुसार त्यांची प्रकृती गंभीर असून उपचार सुरु आहे. या घटनेमुळे गावात एकच खळबळ उडाली असून, दहशतीचे वातावरण आहे. चरणदास यांना पेटवून देत जीवे मारण्याचा प्रयत्न केल्याप्रकरणी (Gadchiroli Police) रेपनपल्ली पोलिसांनी प्राथमिक गुन्हा दाखल करून तपास सुरु केला आहे.
