परभणी/गंगाखेड (Gangakhed Accident) : येथून परभणीकडे जाणाऱ्या लातूर परभणी बससमोर अचानक आलेल्या दुचाकी चालकाला वाचविताना बस रस्त्याच्या खाली जाऊन झालेल्या (Gangakhed Accident) अपघातात १८ प्रवासी किरकोळ जखमी झाल्याची घटना दि. २० जून गुरुवार रोजी दुपारी ४: ३० वाजेच्या सुमारास गंगाखेड परभणी रस्त्यावरील सुनेगाव पाटी जवळ घडली आहे. जखमींवर (Gangakhed Hospital) गंगाखेड उपजिल्हा रुग्णालयात उपचार करून सुट्टी देण्यात आली.
गंगाखेडच्या सुनेगाव पाटी जवळची घटना
माहितीनुसार, गंगाखेड येथून ५० प्रवासी, चालक व वाहकासह परभणीकडे जाणारी लातूर – परभणी बस क्रमांक एमएच २४ एयु ७७३७ ही बस दि. २० जून रोजी दुपारी सूनेगाव पाटी जवळ पोहचताच अचानक बस समोर आलेल्या दुचाकी चालकाला वाचविताना बस रस्त्याखाली उतरून कंबरेएवढा खोल खड्डा ओलांडून शेतात जाऊन (Gangakhed Accident) अपघातग्रस्त झाली. या अपघातात बसमधील रंजना जाधव ३६ वर्ष रा. पेडगाव परभणी, निर्गुणा रखमाजी सारंगे वय ३२ वर्ष, रखमाजी मारोती सारंगे वय ६० वर्षे, दर्शन रखमाजी सारंगे ८ वर्ष रा. डोंगरकडा ता. कळमनुरी, कलावती नागनाथ स्वामी वय ६५ वर्ष रा. लोहा, राजेभाऊ साळवे वय ६० वर्षे, रामचंद्र पोटभरे वय ४५ वर्षे, शोभा पोटभरे वय ४० वर्षे रा. माळहिवरा ता. परळी, माधुरी गायकवाड वय ३५ वर्ष रा. कल्पना नगर लातूर, सीमाबाई कदम वय ६० वर्षे, रामराव कदम वय ७५ वर्षे रा. तरोडा फाटा ता. परभणी, ऐश्वर्या रमेश सत्वधर वय १९ वर्षे रा. त्रिमूर्ती नगर परभणी, बेलाजी अरविंद उफाडे वय २१ वर्ष रा. कासारवाडी, छाया सोळंके वय ६५ वर्षे रा. अंगुली नगर हिंगोली, वेदिका शेटे वय ८४ वर्षे, सरीता शेटे वय ३२ वर्षे रा. श्रीहरी नगर परभणी, कावेरी गवळी वय ७१ वर्ष, सोनाली गवळी वय ३५ वर्षे रा. जिंतूर आदी प्रवासी किरकोळ जखमी झाले.
लातूर – परभणी बसचा अपघात (Gangakhed Accident) झाल्याची माहिती समजताच १०८ च्या रुग्णवाहिकेचे चालक बालाजी चाटे, डॉ. नितीन चव्हाण, (Gangakhed Hospital) खाजगी रुग्णवाहिका चालक नामदेव दहिफळे, शेख पाशा, दिपक सपकाळ, दिगंबर कदम, बाबा साळवे आदींनी परमेश्वर फड, पो.पा. गोविंद सूर्यवंशी, आरोग्य विस्तार अधिकारी भारत नरवाडे, अशोक सातपुते, शेख समद हुसेन आदींच्या मदतीने सर्व जखमींना गंगाखेड उपजिल्हा रुग्णालयात दाखल केले. निवासी वैद्यकीय अधिकारी डॉ. कल्पना (घुगे) गिते, डॉ. योगेश मल्लुरवार, परिचारिका उषा ईधाटे, शितल पांचाळ, प्रशांत राठोड, रशीद शहा यांनी जखमींवर प्रथमोपचार करून सुट्टी दिली. (Gangakhed Police) पोलीस निरीक्षक दिपककुमार वाघमारे यांनी घटनास्थळी भेट देऊन पाहणी केली.
बस चालकाच्या प्रसंगवधानाने प्रवासी बचावले
५० प्रवाशांसह लातूर आगाराचे चालक राजकुमार प्रकाश इसाळे, वाहक एस.एन. तापरटवाड हे गंगाखेड येथून परभणीकडे निघाले असता लातूर – परभणी बस समोर अचानक आलेल्या दुचाकी चालकाला वाचविताना बस चालक राजकुमार प्रकाश इसाळे यांनी प्रसंगावधान राखून कंबरे एवढ्या खड्ड्यात अदळलेली बस (Gangakhed Accident) मोकळ्या शेतात उभी केल्याने काही प्रवासी किरकोळ जखमी झाले. यात कोणतीही मोठी हानी झाली नसल्याचे प्रवासी वर्गातून बोलल्या जात होते.
