गंगाखेड शहरातील पालम रोडवरील बार मधील घटना दोघांवर गुन्हा दाखल!
परभणी (Gangakhed Crime) : परभणीतील गंगाखेड येथे पालम रोडवर असलेल्या एका बार मध्ये बसलेल्या इसमाला अचानक भुरळ आली. सदर इसम खुर्चीवरच मान खाली घालून बसला. याचा फायदा घेत दोघांनी या इसमा जवळील 90 हजार रुपये चोरले. ही घटना 7 जून रोजी दुपारी तीनच्या सुमारास घडली. सदर प्रकरणी 8 जुनला गंगाखेड पोलीस ठाण्यात (Gangakhed Police Station) गुन्हा दाखल करण्यात आला आहे.
पोलीस अधिक तपास करत आहेत!
संजय चिलगर यांनी तक्रार दिली आहे. फिर्यादी हे मुलीला पैसे देण्यासाठी 1 लाख रुपये घेऊन गंगाखेड येथे आले होते. त्यामधील 90 हजार रुपये त्यांनी पॅन्टच्या वॉच पॉकेटमध्ये ठेवले. तर 10 हजार रुपये मागच्या खिशात ठेवले. संजय चिलगर हे पालम रोडवरील बार मध्ये गेले. या ठिकाणी त्यांना अचानक घाम आल्याने भुरळ आली. खुर्चीवर ते मान खाली घालून बसले. बराच वेळ झाल्याने बारचे मालक यांनी फिर्यादीला उठविले. यावेळी त्यांना 90 हजार रुपये चोरीला (Stolen) गेल्याचे दिसून आले. बारच्या CCTV ची पाहणी केल्यावर बार मधील एक व्यक्ती त्यांच्याजवळ आल्याचे दिसत आहे. सदर व्यक्तीनेच चोरी केली असेल या संशयावरुन तक्रार देण्यात आली. या प्रकरणी शेषेराव चव्हाण, संगीता या दोघांवर गंगाखेड पोलिसात गुन्हा दाखल (Filed a Case) करण्यात आला आहे. पोलीस अधिक तपास करत आहेत.
