देशोन्नती वृत्तसंकलन
चिखली/बुलढाणा (Garbage collection gadi) : राष्ट्रपिता महात्मा गांधी व भारतरत्न लालबहादूर शास्त्री या महापुरुषांच्या जयंती निमित्य मेरा बु येथे (Garbage collection gadi) कचरा संकलनासाठी इलेक्ट्रिक घंटागाडी दाखल झाली. ही घंटागाडी दररोज गल्लोगल्ली घरोघरी जावून घाण कचरा घेवून गावाबाहेर टाकणार आहे. त्यामुळे संपुर्ण गाव स्वच्छ व सुंदर होणार असल्याने मेरा बु गावाचं रुपडच पलटणार असल्याने महिलावर्गा मध्ये आनंदाचे वातावरण निर्माण झाले आहे.
चिखली तालुक्या मधील १५ हजार लोकसंख्या असलेल्या मेरा बु गावाचा कारभार राष्ट्रवादीचे जिल्हा उपाध्यक्ष गजानन वायाळ यांच्या मार्गदर्शनाखाली सरपंच अनिता लक्ष्मण वायाळ ह्या काम करतात . गेल्या तीन वर्षांपासून त्यांनी कोटींचे विकास कामे करण्याचा सपाटा लावला आहे. त्यातच गावात घरोघरी दररोज पिण्याचे पाणी मोफत सोडल्या जात असल्याने नाल्या सांड पाण्याने वाहत आहेत . मात्र घरा बाहेर रस्त्यावर स्वच्छता आहे पण घरातील कचरा कुठे टाकावा असा प्रश्न महिला समोर उभा होता . काही महिला नाइलाजासव घनकचरा रस्त्यावर टाकून देत असल्याने गावात रोगराई पसरण्याची शक्यता निर्माण झाली होती.
परंतु महिलांना नाईलाज होता त्यामुळे सरपंच महिलेने एक आगळा वेगळा निर्णय घेत आपले गाव स्वच्छ व सुंदर ठेवण्यासाठी राष्ट्रवादीचे जिल्हा उपाध्यक्ष गजानन वायाळ यांच्या समोर उपस्थितीत केला असता त्यांनीलगेच ग्रा. प.सर्व सदस्यांना व सचिव यांना विश्वासात घेवुन (Garbage collection gadi) घंटागाड्या खरेदी करण्याची संकल्पना मांडली असता सर्वांनी सहमती दर्शवली त्यामुळे गजानन वायाळ यांनी लगेच शासनाकडे पाठपुरावा करून राष्ट्रपिता महात्मा गांधी व भारतरत्न लालबहादूर शास्त्री या महापुरुषांच्या जयंती निमित्य गावात नवीन इलेक्ट्रिक घंटागाडी गावात घेवून आले. ही घंटागाडी पाहून संपुर्ण गावातील महिलावर्गाच्या चेहऱ्यावर हास्य उमटले आहे. याबाबत सरपंच अनिता लक्ष्मण वायाळ यांनी महिलांना आवाहन केले की कोणीही घरातील घाणकचरा रस्त्यावर अथवा घरापुढे न टाकता घंटागाडीमध्ये टाकून ग्रामपंचायतला सहकार्य करावे असे दै. देशोन्नती च्या माध्यमातून आव्हाहन केले आहे.
