अर्जुनी मोर (Gondia 12th result) : नुकत्याच पार पडलेल्या महाराष्ट्र बोर्डाच्या (Maharashtra Board) उच्च माध्यमिक शालांत परीक्षेत स्थानिक सरस्वती कनिष्ठ महाविद्यालय विज्ञान व कला शाखेचा निकाल उत्कृष्ट लागला आहे. (12th result) यात विज्ञान व कला शाखेचा निकाल शंभर टक्के लागला. विज्ञान शाखेतून आदेश शरद देशमुख 95.50%(573) गुण प्राप्त करीत जिल्ह्यातून प्रथम क्रमांकाने उत्तीर्ण झाला तर कु. लीना दुर्योधन मडावी 93.67% (562) गुणांसह जिल्ह्यातून द्वितीय व मुलींमधून प्रथम ठरली आहे. याच प्रमाणे कला शाखेतून कु. प्रेरणा अशोक दहिवले 90% (540) गुणांसह जिल्ह्यातून द्वितीय आली आहे. (Adesh Deshmukh) आदेश देशमुख हा विद्यार्थी दहावी बोर्डाच्या परीक्षेत सुद्धा शाळेतून प्रथम आला होता हे विशेष.
सरस्वती कनिष्ठ महाविद्यालयाचा घवघवीत यश
एच. एस. एस. सी. परीक्षा फेब्रुवारी 2024 करिता (Saraswati College) सरस्वती कनिष्ठ महाविद्यालयातून विज्ञान शाखेतून एकूण 148 विद्यार्थी अवतीर्ण झाले होते. यापैकी 56 विद्यार्थी प्राविण्यश्रेणीत, 88 विद्यार्थी प्रथम श्रेणीत, तर 4 विद्यार्थी द्वितीय श्रेणीत उत्तीर्ण झाले. (12th result) विद्यार्थ्यांची उत्तीर्णतेची टक्केवारी शंभर टक्के आहे. तर कला शाखेतून एकूण 44 विद्यार्थी अवतीर्ण झाले होते. यापैकी 10 विद्यार्थी प्राविण्यश्रेणीत, 25 विद्यार्थी प्रथम श्रेणीत व 9 विद्यार्थी द्वितीय श्रेणीत उत्तीर्ण झाले. कला शाखेची सुद्धा निकालाची टक्केवारी शंभर टक्के आहे.
विज्ञान शाखेत सुशांत अशोक खरकाटे 91.50% (549), अनिकेत अनिल नंदेश्वर 91.17% (547), कु. अस्मिता राजेंद्र संग्रामे 90.17% (541), कु. अर्पिता रूपचंद नाकाडे 89.50% (537), हिमांशू उदाराम खरवडे 89% (534), कल्पक कांतीलाल लाडे 88.50% (531), कु. ऋतुजा अनिल बहादुरे 88.17% (529) विद्यार्थी गुणांनुक्रमे आली आहेत. तसेच कला शाखेतून कु. गुंजन हेमंतकुमार कापगते 86.17% (517), मंदार संजय परशुरामकर 86% (616) गुणानुक्रमे द्वितीय व तृतीय ठरले आहेत. (12th result) तसेच कला शाखेतून कु. ज्ञानेश्वरी ताराचंद करपते 81.67% (490), कु. नेहा विनोद सोनवाणे 81.50% (489), कु. स्वेता राजेंद्र कानेकर 79.67% (478), कु. रिया कालिदास सयाम 79.17% (475) कु. सलोनी दीनदयाल डोंगरे 76.50% (459), साहील प्रमोद पाल 75.17% (451) गुण प्राप्त केले आहेत.
यशस्वी विद्यार्थ्यांचे अभिनंदन
विद्यार्थ्यांच्या या यशाबद्दल संस्थाध्यक्ष बल्लभदास भुतडा, संस्थासचिव सर्वेश भुतडा, कोषाध्यक्ष जयप्रकाश भैय्या, प्राचार्य जे. डी. पठाण, उपप्राचार्या छाया घाटे, पर्यवेक्षक महेश पालीवाल व सर्व प्राध्यापक, शिक्षक व शिक्षकेतर कर्मचारी वृंदानी यशस्वी विद्यार्थ्यांचे अभिनंदन केले व शुभेच्छा दिल्या.
