गोंदिया (Gondia Crime) : तंत्रज्ञानाचा उपयोग जस-जसा वाढत आहे. तसतसा (Online fraud) ऑनलाईन फसवणुकीचे प्रकार तसतसे वाढत चालले आहेत. भामटे नवनवीन शोध लावून ऑनलाईन माध्यमातून नागरिकांची फसवणूक करीत आहेत. असाच प्रकार रामनगर पोलिस ठाण्यातंर्गत उघडकीस आला असून( Gondia Police) पोलिसही हैराण झाले आहेत. फिर्यादीच्या वेगवेगळ्या बँक खात्यातून चोरट्याने एकूण १५ लाख ६ हजार ८३४ रूपये ऑनलाईन माध्यमातून उडविले. या घटनेने (Online fraud) ऑनलाईन फसवणुकीचा प्रकार समोर आला आहे.
फसवणुकीच्या प्रकाराने पोलिसही हैराण
ऑनलाईन व्यवहारावरात (Online fraud) नवनवीन तंत्रज्ञानाचा शोध घेवून नागरिकांना सोयीचे होईल, यासाठी त्याचा उपयोग केला जात आहे. परंतु, ऑनलाईन व्यवहाराने सायबर गुन्ह्यात वाढ झाली असून दिवसेंदिवस फसवणुकीचे प्रमाण वाढत चालले आहेत. फिर्यादी गुलशन मिताराम रहांगडाले (३३) रा.मलपुरी ता.गोरेगाव हमु.चामटनगर गेट कुडवा यांनी आपल्या (Gondia Bank) बँक खात्याची माहिती, तपशिल कुणालाही दिला नाही. त्याचप्रमाणे कोणत्याही प्रकारची लिंक, कॉल, मॅसेज, रीसीव्ह केले नाही. तसेच त्याबाबत कोणताही रिप्लाय सुध्दा केला नाही. त्यांचा मोबाईल कुणालाही वापरण्याकरीता दिला नाही व मोबाईलमध्ये थर्ड पार्टी अप्लिकेशन वापरत नाही.
असे असतानाही गुलशल रहांगडाले यांच्या वापरातील व बँक अकाउंटला लिंक असलेला मोबाईल क्रमांकावर बँक खात्यामधून ८ मे रोजी १ लाख २९ हजार ७३२ रूपये, १० मे रोजी एच.डी.एफ.सी बँकमधून २ लाख रुपये, एसबीआयच्या खात्यातून ५ लाख १७ हजार १०२ रुपये, बँक ऑफ इंडियाच्या खात्यातून २ हजार रूपये असे एकूण ७ लाख १९ हजार १०२ रूपये काढण्यात आले. तर १२ मे रोजी स्टेट बँक, (Bank of India) बँक ऑफ इंडिया, एचडीएफसी बँक या (Gondia Bank) तिन्ही बँकेच्या खात्यातून प्रत्येकी ५० हजार रूपये असे एकूण तिन्ही बँकेत असलेल्या खात्यातून १० लाख ५० हजार रूपये तर १३ मे रोजी पुन्हा स्टेट बँकेच्या खात्यातून ५ लाख रूपये व एचडीएफसी बँकेच्या खात्यातून १० हजार रूपये असे एकूण १५ लाख ६ हजार ८३४ रूपये ऑनलाईन ट्रान्झेक्शन करून अज्ञात चोरट्याकडून काढण्यात आले. व अविनाश मेश्राम यांचे १ लाख रूपयाची (Online fraud) ऑनलाईन फसवणूक करण्यात आली आहे. फिर्यादीच्या तक्रारीवरून रामनगर पोलिस ठाण्यात गुन्हा नोंद करण्यात आला आहे. एंकदरीत यावरून ऑनलाईन फसवणूक करण्याचा प्रकार कोणत्या थराला गेला आहे, हे दिसून येत आहे. या प्रकाराने पोलिसही हैराण झाले असून चोरट्याचा कसून शोध घेतला जात आहे. पुढील तपास (Gondia Police) रामनगरचे पोलिस निरीक्षक केंजळे करीत आहेत.