जि. प. उपाध्यक्ष तथा आरोग्य व शिक्षण सभापती ईंजि. यशवंत गणवीर यांचे तालुक्याकडे वक्रदृष्टी
अर्जुनी मोर (Gondia Zilla Parishad) : गोंदिया जिल्ह्याच्या शेवटच्या टोकावर असलेल्या- अर्जुनी/मोरगाव तालुक्यातील गोठणगाव जिल्हा परिषद क्षेत्राचे जि प सदस्य आणि गोंदिया जिल्हा परिषदेचे उपाध्यक्ष तथा आरोग्य व (Education Department) शिक्षण विभागाचे सभापती असलेले इंजि. यशवंत गणवीर गेल्या सव्वा दोन वर्षापासून या पदावर कार्यरत आहेत. मात्र आपल्या अर्जुनी/मोरगाव तालुक्यातील शाळांना सुसज्ज करण्यासोबतच रिक्त शिक्षकांची पदे भरण्यात त्यांना अपयश आल्याचे दिसून येत आहे. आजही अर्जुनी/मोरगाव तालुक्यातील (Zilla Parishad) जिल्हा परिषदेच्या शाळामंध्ये 68 शिक्षकांची पदे रिक्त पडली आहेत. त्यातही वर्ग 1 ते 5 च्या 32 शाळेत तर फक्त एकच शिक्षक कार्यरत तर 3 शाळा तर शिक्षकाविना आहेत.
अर्जुनी/मोरगाव पंचायत समिती (Panchayat Samiti) अंतर्गत 2023-2024 च्या संच मान्यतेननुसार उच्च श्रेणी मुख्याध्यापक 17,भाषा विषय 43, गणित/विज्ञान 44, सामाजिक शास्त्र 4, प्राथमिक शिक्षक 328 अशी एकूण 432 पदे मंजूर असून 367 पदे सध्या कार्यरत आहेत.तर 68 पदे रिक्त आहेत. त्यामध्ये भाषा विषयाचे 12, गणित/विज्ञान 2, सामाजिक शास्त्र 2, प्राथमिक शिक्षकांच्या 52 पदांचा समावेश आहे. शिक्षण सभापतीच्यांच तालुक्यातच जि प शाळा शिक्षकाविना असल्याने इतर तालुक्यातील जि प शाळांची काय परिस्थिती असेल, हे सांगणे कठिणच आहे.
जिल्हा परिषदेच्या शाळांमध्ये शिक्षकां अभावी शिक्षण कार्य पूर्णतः खोळंबले असुन विद्यार्थांचे शैक्षणिक नुकसान होत आहे. तरीसुद्धा गोंदिया (Zilla Parishad) जिल्हा परिषदेकडून अर्जुनी/मोरगाव तालुक्याला नवीन शिक्षक देण्यास दुर्लक्ष करण्यात आले आहे.शिक्षण सभापतीवर सुध्दा मुख्य कार्यकारी अधिकारी व शिक्षणाधिकारी वरचढ ठरल्यानेच या तालुक्यात शिक्षकांची रिक्त पदे भरण्यात शिक्षण सभापती कमी पडले, असे म्हणने वावगे ठरणार नाही हे विशेष.
