मानोरा(Washim):- तालुक्यातील मौजे म्हसणी येथे तीन ठिकाणी दि. ६ नोव्हेंबर रोजी रात्री कोबिंगं कर्तव्यावर पोलिसांना मिळालेल्या गुप्त माहितीवरून तीन ठिकाणी धाड टाकली असता १ लाख ९९ हजार ५०० रुपयाची गावठी हात भट्टी दारु सह मुद्देमाल ताब्यात घेऊन नाश केला.
१ लाख ९९ हजार ५०० रुपयाची गावठी हात भट्टी दारु सह मुद्देमाल ताब्यात
पोलीस सूत्राकडून प्राप्त माहितीनुसार, म्हसणी येथील अनिल किसनराव सोहळकर ( वय ५० वर्ष ) ललीता अजय मात्रे ( वय ४५ वर्ष ), भिमराव महादेव टिके ( वय ६० वर्ष ) गावठी हातभट्टी दारू ४५ लिटर कि ४५००, सडवा मोहमाच १२०० लिटर कि १ लाख ८० हजार रूपये, इतर साहित्य १५००० रुपये असा एकूण १ लाख ९९ हजार ५०० रुपयाचा मुद्देमाल जप्त करून नाश केला. नमुद आरोपींचे राहते घराची पंचा समक्ष घरझडती घेतली असता आरोपी क्र १ चे घरी ३० लीटर गावठी हात भट्टीची दारू ५०० लिटर सडवा मोहामाच, दारू (alcohol) गाळण्याचे साहित्य, आरोपी क्र २ हिचे घरी ५ लीटर गावठी हात भट्टीची दारु, २०० लीटर सडवा मोहामाच, ईतर साहित्य, आरोपी क्र ३ चे घरी १० लिटर गावठी हात भट्टीची दारु, ५०० लिटर सडवा मोहामाच, ईतर साहित्य असा एकुण १ लाख ९९ हजार ५०० रुपयाचा मुद्देमाल पंचा समक्ष जप्त केला. आरोपीवर महाराष्ट्र दारूबंदी अधिनियम चे कलम ६५ (इ) (फ) अनव्ये कार्यवाही करण्यात आली. सदर कारवाई पोलीस अधीक्षक अनुज तारे, अप्पर पोलीस अधीक्षक श्रीमती लता फड, उपविभागीय पोलिस अधिकारी प्रदीप पाडवी, पोलीस निरीक्षक प्रविण शिंदे सपोनि प्रदिप अल्लापुरकर, सफौ सुभाष महाजन, सफौ रविन्द्र राजगुरे, पोहवा मदन पुणेवार, पोशि मनिष अगलदरे, पोशी शंकर राख, योगेश मनवर, चापोहवा विजय राठोड, करण राठोड आदींनी केली.
