चुकीचा पायंडा, सादरीकरणाचे स्वरूप बदलतेय, पाश्चिमात्यांचे अंधानुकरण
गडचिरोली (Youth Generation) : आधुनिक जीवनशैलीमध्ये विविध ‘डेज सेलिब्रेशनचा ट्रेंड’ वाढत आहे. डिसेंबरअखेर आल्याने थर्टी फर्स्टचे सेलिब्रेशन करण्यात आले. नववर्षाचे स्वागतही जल्लोषात केले जात आहे. आयुष्यातील महत्त्वाच्या क्षणांना इव्हेंटचे स्वरूप येत आहे.
मात्र, या आनंदाची दुसरी बाजू म्हणजे या (Youth Generation) सेलिब्रेशनच्या नावाखाली व्यसनाधीनता, चालणारी चुकीच्या गोष्टींचा पायंडा, पाश्चिमात्यांचे अंधानुकरण यामुळे तरुणाई भरकटत असल्याचे दाहक वास्तव समोर येत आहे. विज्ञान, संशोधनामुळे आजचे युग टेक्नोसॅव्ही बनले आहे. या स्मार्ट फोनबरोबर तरुणाई स्मार्ट होत आहे. इंटरनेट हा जीवनाचा अविभाज्य भाग बनू लागला आहे. माहितीचे महाजाळे निर्माण झाल्याने जग जवळ आले आहे. त्याबरोबर पाश्चिमात्य संस्कृतिचा शिरकाव झाला असून सेलिब्रेशनचा ट्रेंड वाढला आहे. क्षुल्लक कारणासाठीदेखील सेलिब्रेशन केले जात आहे.
यामध्ये (Youth Generation) तरुणाईची संख्या जास्त आहे. मावळत्या वर्षाला निरोप देण्यासाठी सेलिब्रेशन केले जात असल्याने तालुक्यातही थर्टीफर्स्ट साजरा करण्यात आला. सेलिब्रेशनसाठी हजारो लिटर मद्य रिचवले. मांसाहाराला प्राधान्य दिले असल्याने शेकडो कोंबड्या, बोकडांचा फडशा पडत आहे. सेलिब्रेशनच्या फंड्यातूनच अनेकजण व्यसनांमध्ये गुरफटत आहेत. व्यसनांच्या आहारी जाऊन चुकीची पाऊले उचलत आहेत. सामाजिक सभ्यता कमी होत असून अश्लीलता व विभत्सतेचे दर्शन होत असल्याचे दिसून येत आहे.
नशेची झिंग लावतेय देशोधडीला
नशेची झिंग चढल्यावर त्यांना कशाचेच भान राहत नाही. (Youth Generation) नशेड्यांकडून मुली, महिलांची छेडछाड तसेच खून, मारामाऱ्याही केल्या जात आहेत. अशा अवस्थेत बेदरकारपणे वाहने चालवली जात असल्याने वेगावर नियंत्रण राहत नाही. अपघातांचे प्रमाण वाढत आहे.
