देव्हाडी येथे थरारक घटना; आरोपी फरार
तुमसर (Panchayat member Murder) : प्रेमसंबंधातून झालेल्या वादाच्या परिणतीने तुमसर तालुक्यातील देव्हाडी येथे एक धक्कादायक घटना घडली. ग्रामपंचायत सदस्य अंकुश साठवणे (३५), रा.नेहरू वॉर्ड, देव्हाडी) यांची चाकूने भोसकून निर्घृण हत्या (Panchayat member Murder) करण्यात आली. संध्याकाळी ५ वाजताच्या सुमारास घडलेल्या या घटनेने संपूर्ण परिसरात खळबळ उडाली आहे.
मित्रतेचा शेवट रक्तरंजित हत्येत
प्राथमिक माहितीनुसार, मृतक अंकुश साठवणे आणि आरोपी रामेश्वर उर्फ मुन्ना बिरनवारे हे चांगले मित्र होते. मात्र, काही दिवसांपूर्वी एका महिलेच्या अवैध संबंधांवरून त्यांच्यात मोठा वाद झाला होता. त्यानंतर अंकुश नागपूरला जाऊन राहू लागला होता. मात्र दि.२२ मार्च रोजी तो पुन्हा देव्हाडीला परतला.
समेटाच्या नावाखाली हल्ला
दि.२३ मार्च रोजी, मृतकाच्या वडिलांनी दोघांमध्ये समेट घडवून आणण्यासाठी आरोपी मुन्नाला आपल्या घरी बोलावले. समेटाची चर्चा सुरू असतानाच मुन्नाने अचानक त्याच्या सोबत आणलेल्या चाकूने अंकुशवर सपासप वार केले. (Panchayat member Murder) गंभीर जखमी झालेल्या अंकुशचा जागीच मृत्यू झाला.
पोलिसांची शोधमोहीम सुरू
घटनेची माहिती मिळताच तुमसर पोलीस घटनास्थळी दाखल झाले. (Panchayat member Murder) मृतदेह ताब्यात घेऊन शवविच्छेदनासाठी तुमसर उपजिल्हा रुग्णालयात पाठवण्यात आला आहे. दरम्यान आरोपी मुन्ना बिरणवारे हा हत्येनंतर फरार झाला असून पोलीस त्याचा शोध घेत आहेत.
देव्हाडी परिसरात भीतीचे वातावरण
या घटनेमुळे संपूर्ण देव्हाडी गावात भीतीचे वातावरण पसरले आहे. ग्रामस्थांमध्ये संतापाचे भाव असून पोलिसांनी तातडीने आरोपीला अटक करून कठोर कारवाई करावी, अशी मागणी केली जात आहे. या (Panchayat member Murder) हत्याकांडामुळे प्रेमसंबंधातून होणार्‍या गुन्ह्यांबाबत पुन्हा एकदा गंभीर चर्चा रंगली असून, अशा घटनांना आळा घालण्यासाठी समाजातील प्रत्येक घटकाने जबाबदारीने पावले उचलण्याची गरज व्यक्त केली जात आहे.