पानकनेरगावातील तरूणाचे आत्महत्या प्रकरण
पानकनेरगाव/हिंगोली (Hingoli Crime) : सेनगाव तालुक्यातील पानकनेरगाव येथील आकाश देशमुख या युवकाने समाज माध्यमातून संदेश पाठविल्यानंतर गळफास घेऊन आत्महत्या केल्याची घटना शनिवारी उघडकीस आली होती. नातेवाईकांनी गुन्हा दाखल (Hingoli Crime) झाल्याशिवाय मृतदेह ताब्यात घेतला जाणार नाही असा आक्रमक पवित्रा घेतल्यानंतर सेनगाव पोलिसात रात्री उशिरा वडोद बाजार ठाण्याच्या (Hingoli Police) पोलिस उपनिरीक्षकासह नऊ जणांवर गुन्हा नोंदविण्यात आला.
समाज माध्यमातून संदेश पाठवून युवकाने गळफास घेऊन केली होती आत्महत्या
पानकनेरगाव येथील आकाश माणिकराव देशमुख (२६) या तरूणाने गळफास घेऊन आत्महत्या केल्याची घटना १७ ऑगस्ट रोजी उघडकीस आली होती. आत्महत्येपूर्वी त्याने मोबाईलवर समाज माध्यमाद्वारे संदेश व्हायरल केला होता. ज्यामध्ये छत्रपती संभाजी नगर जिल्ह्यातील वडोद बाजार पोलिस ठाण्यातील पोलिस उपनिरीक्षक संभाजी खाडे यांच्यासह काही जणांनी त्याला आत्महत्या करण्यास प्रवृत्त करून खोट्या केसेसमध्ये गुंतवल होत. आकाशच ज्या मुलीसोबत प्रेमसंबंध होते तिला देखील पोउपनि खाडे यांनी त्याच्यासमोर मारून आकाशलाही मारहाण केली होती. मुलीने दिलेला जवाब आकाशच्या बाजूने होता. या प्रकरणात पोउपनि खाडे यांनी मोठी रक्कम घेतल्याचा आरोप संदेशमध्ये करून माझ्या आत्महत्येस जबाबदार असणार्यांवर गुन्हा दाखल (Hingoli Crime) करावा व पोउपनि खाडे याला निलंबित करावे असे नमूद केले होते. त्यामुळे नातेवाईकांनी गुन्हा दाखल झाल्यावरच मृतदेह ताब्यात घेण्याबाबत आक्रमक पवित्रा घेतल्याने या प्रकरणात सचिन देशमुख याची रात्री ९.५० वाजता (Hingoli Police) सेनगाव पोलिसात रितसर तक्रार घेण्यात आली.
ज्यामध्ये जालना जिल्ह्यातील पिंपळगाव येथील एका मुलीला आकाशने पळवून नेल्याने त्याच्यावर दाखल झालेल्या गुन्ह्यात आकाशला त्रास दिल्याने त्याच त्रासास कंटाळून पानकनेरगाव शिवारातील धनंजय पवार यांच्या शेतातील धुर्यावर त्याने गळफास घेऊन आत्महत्या केली. त्याला आत्महत्या करण्यास प्रवृत्त केल्याने वडोद बाजार पोलिस ठाण्यात पोलिस उपनिरीक्षक संभाजी खाडे, मधुकर दांडगे, शुभम दांडगे, सोनाली संदीप दांडगे, ज्ञानेश्वर दांडगे सर्व रा.पिंपळगाव जि.जालना यांच्यासह भाऊराव देशमुख, शिला भाऊराव देशमुख, रामेश्वर भाऊराव देशमुख रा.पानकनेरगाव अशा एकूण नऊ जणांवर गुन्हा दाखल (Hingoli Crime) करण्यात आला. पुढील तपास पोलिस उपनिरीक्षक सोनकांबळे हे करीत आहेत. हा गुन्हा दाखल झाल्यानंतरच आकाशच्या नातेवाईकांनी मृतदेह ताब्यात घेतला.
