हिंगोली (Hingoli District Police) : जिल्हा पोलिस अधिक्षक श्रीकृष्ण कोकाटे यांच्या संकल्पनेतून विविध गुन्ह्यामधील आरोपीकडून जप्त केलेला मुद्देमाल फिर्यादीस सन्मानपूर्वक परत करण्याची मोहीम राबविली जात आहे. त्या निमित्ताने २५लाख २२ हजार ५०० रूपयाचा मुद्देमाल ३१ डिसेंबरलाला फिर्यादीस सन्मानपूर्वक परत देण्यात आला आहे.
जिल्ह्यातील तेराही पोलिस ठाणे (Hingoli District Police) हद्दीमध्ये विविध गुन्ह्यात आरोपींकडून जप्त केलेला मुद्देमाल टप्याटप्याने फिर्यादीस सन्मानपूर्वक देण्याची मोहीम राबविली जाते. त्यानिमित्त ३१ डिसेंबरला या मोहिमेत एकूण दोन गुन्ह्यातील सोन्या-चांदीचे दागिने व नगदी असा १ लाख ३३ हजाराचा, १६ लाख २८ हजाराचे १६ वाहने, , ७ लाख ६१ हजार रूपयाच ५३ मोबाईल, असा एकूण २५ लाख २२ हजार हजार ५०० रूपयाचा मुद्देमाल फिर्यादीस सन्मानपूर्वक परत देण्यात आला.
पोलिस अधिक्षक श्रीकृष्ण कोकाटे (Hingoli District Police) यांनी पदभार घेतल्यापासून राबविलेल्या मोहिमेत ७७ लाख ७७ हजार रूपयाचा मुद्देमाल परत देण्यात आला आहे. ही कामगिरी पोलिस अधिक्षक श्रीकृष्ण कोकाटे, अप्पर पोलिस अधिक्षक अर्चना पाटील, सर्व उपविभागीय पोलिस अधिकार्‍यांच्या मार्गदर्शनाखाली स्थानिक गुन्हे शाखेचे पोलिस निरीक्षक विकास पाटील, प्रेमदास चव्हाण व सर्व पोलिस ठाणे प्रभारी अधिकारी, मुद्देमाल मोहरील यांनी यशस्वीरित्या पार पाडली आहे.
