सहाय्यक जिल्हा पुरवठा अधिकाऱ्याकडे पदभार देण्याचे शासनाचे आदेश
हिंगोली (Hingoli District) : जिल्हयात मागील काही दिवसांपासून आरोप प्रत्यारोपामुळे अडचणीत सापडलेले प्रभारी जिल्हा पुरवठा अधिकारी राजेश पुंजल यांचा अतिरिक्त पदभार काढण्यात आला असून सहाय्यक जिल्हा पुरवठा अधिकारी अप्पासाहेब पाटील यांच्याकडे पदभार देण्यात आला आहे. याबाबतचे आदेश शासनाच्या अन्न व नागरी पुरवठा विभागाने १२ मार्च बुधवार रोजी काढले आहेत.
छत्रपती संभाजीनगर येथील (Hingoli District) विभागीय आयुक्त कार्यालयात तांत्रीक अधिकारी पदावर कार्यरत असलेले राजेश पुंजल यांच्याकडे ११ मार्च २०२४ रोजी शासनाच्या एका आदेशान्वये हिंगोलीच्या जिल्हा पुरवठा अधिकारी पदाचा अतिरिक्त पदभार देण्यात आला होता. विशेष म्हणजे हिंगोलीत सहाय्यक जिल्हा पुरवठा अधिकारी या पदावर अप्पासाहेब पाटील कार्यरत असतांनाही पुंजल यांना छत्रपती संभाजीनगर येथून हिंगोलीत अतिरिक्त पदभार घेण्यासाठी पाठविण्यात आल्याने या प्रकाराची मोठी चर्चा होती.
त्यातच मागील काही दिवसांपासून स्वस्त धान्य दुकानदार व प्रभारी जिल्हा पुरवठा अधिकारी पुंजल यांच्यात वादाला तोंड फुटले होते. पुंजल यांच्याकडून आर्थिक पिळवणुक होत असल्याचा आरोप स्वस्त धान्य दुकानदारांनी केला होता. तर दुकानदारांना शिस्त लावत असल्यामुळेच आपल्यावर आरोप केले जात असल्याचे पुंजल यांचे म्हणणे होते.
दरम्यान, या (Hingoli District) प्रकरणात आमदार तान्हाजी मुटकुळे (MLA Tanhaji Mutkule) यांनी राज्याच्या अन्न व नागरी पुरवठा विभागाकडे तक्रार केली होती. त्यानंतर या प्रकरणाचा सविस्तर अहवाल पाठविण्याच्या सुचनाही शासनाने जिल्हा प्रशासनाकडे केल्या होत्या. त्यानंतर आज राज्याच्या अन्न व नागरी पुरवठा विभागाने पुंजल यांच्याकडे हिंगोलीचा जिल्हा पुरवठा अधिकारी पदाचा अतिरिक्त पदभार काढून घेण्याचे आदेश काढले आहेत. आता सहाय्यक जिल्हा पुरवठा अधिकारी अप्पासाहेब पाटील यांच्याकडे जिल्हा पुरवठा अधिकारी पदाचा पदभार सोपविण्याचे आदेशात नमुद केले आहे.
आता मिळाला पूर्णविराम
प्रभारी जिल्हा पुरवठा अधिकारी राजेश पुंजल यांच्या विरूध्द स्वस्त धान्य दुकानदार संघटनेने केलेल्या तक्रारीनंतर आ. तान्हाजी मुटकुळे (MLA Tanhaji Mutkule) यांनी पुरवठा विभागाच्या सचिवांना पत्र देऊन त्यांच्या बदलीची मागणी केली होती. (Hingoli District) बरेच दिवस हे प्रकरण गाजल्यानंतर आता त्यांचा पदभार काढून सहाय्यक जिल्हा पुरवठा अधीकाऱ्याकडे सोपविण्याचे आदेश काढले आहेत.
