औंढा नागनाथ (Hingoli) :- तालुक्यातील जामगव्हाण येथे एका 22 वर्षीय महिलेने आपल्या अडीच वर्षाच्या मुलीसह विहिरीत उडी घेऊन आपली जीवन यात्रा संपवली. हृदय पिळुन टाकणारी घटना 26 एप्रिल शनिवार रोजी दुपारच्या सुमारास घडली यानंतर रात्री आठ वाजेच्या सुमारास दोघी मायलेकीचा मृतदेह (dead body) विहिरीच्या पाण्यातून बाहेर काढला.
दोन्ही मृतदेहाची उत्तरीय तपासणी करून नातेवाईकांच्या ताब्यात देण्यात आले
सीमा ज्ञानेश्वर मुकाडे वय 22 वर्षे व छकुली ज्ञानेश्वर मुकाडे वय अडीच वर्ष असे मृतक मायलेकीचे नाव आहे. सीमा मुकाडे यांनी आपल्या मुलीसह हंडा घेऊन विहिरीवर आल्या होत्या त्यांनी हंडा विहिरीवर ठेवल्याने विहिरीच्या बाजूलाच एक मुलगी बाजूलाच भाजीपाला तोडत असल्याने सदरील घटना घटना लक्षात आली. यानंतर त्यांनी आरडाओरडा केला व ग्रामस्थांना माहिती दिली तोपर्यंत मायलेकीचा बुडून अंत झाला होता. घटनेची माहिती मिळताच औंढा नागनाथ पोलीस ठाण्याचे पोलीस निरीक्षक जी.एस राहिरे, पोलीस उपनिरीक्षक शेख खुद्दूस, जमादार गजानन गिरी, ओंकारेश्वर राजनेकर, अमोल चव्हाण यांनी घटनास्थळी धाव घेतली. यानंतर बाजेच्या साह्याने मायलेकीचा मृतदेह विहिरीतील पाण्यातून बाहेर काढला व पिंपळदरी येथील प्राथमिक आरोग्य केंद्रात शवविच्छेदनासाठी (Autopsy) नेण्यात आला. यानंतर 27 एप्रिल रोजी दोन्ही मृतदेहाची उत्तरीय तपासणी करून नातेवाईकांच्या ताब्यात देण्यात आले. यानंतर 27 एप्रिल रविवार रोजी दुपारी साडेतीन वाजेच्या सुमारास दोघी मायलेखीवर शोकाकुल वातावरणात अंत्यसंस्कार (Funeral) करण्यात आले घटनेबाबत अद्याप औंढा नागनाथ पोलीस ठाण्यात नोंद झाली नव्हती.
