महिला दिनाचे औचित्य!
हिंगोली (Hingoli) : महिला दिनाचे औचित्य साधून हिंगोली जिल्हा पोलिस दलाच्या (District Police Force) वतीने मोटारसायकल रॅली काढण्यात आली होती. यावेळी महिला पोलिसांना हेल्मेट वाटप करण्यात आले. 8 मार्च शनिवार रोजी महिला दिनाचे औचित्य साधून, पोलिस प्रशासनातील विविध विभागातील महिला कर्मचार्यांची मोटारसायकल रॅली काढण्यात आली. रॅलीस अप्पर पोलिस अधिक्षक (Additional Superintendent of Police) अर्चना पाटील यांनी हिरवी झेंडी दाखवून सुरूवात केली. यावेळी उपस्थित महिला पोलिसांना हेल्मेट वाटप (Helmet Distribution) करण्यात आले. हेल्मेट घालून महिला पोलिसांनी रॅलीमध्ये सहभाग नोंदविला.
महिला पोलिस कर्मचार्यांना नविन कायद्याचे प्रशिक्षण!
यावेळी रॅलीमध्ये (Rally) सहभागी झालेल्या, महिला कर्मचार्यांना अप्पर पोलिस अधिक्षक अर्चना पाटील यांच्या हस्ते पुष्पगुच्छ देऊन सत्कार करण्यात आला. यावेळी जिल्हा पोलिस अधिक्षक श्रीकृष्ण कोकाटे, प्रभारी पोलिस उपाधिक्षक प्रेमप्रकाश माकोडे, स्थानिक गुन्हे शाखेचे पोलिस निरीक्षक विकास पाटील, सहाय्यक पोलिस निरीक्षक शिवसांब घेवारे, पोलिस उपनिरीक्षक सतिष ठेंगे यांच्यासह महसुल प्रशासन विभाग, वन विभाग, राज्य उत्पादन शुल्क विभाग, गृहरक्षक दल यासह विविध विभागातील महिला कर्मचार्यांची उपस्थिती होती. याच वेळी महिला कर्मचार्यांना नविन कायद्याचे प्रशिक्षण (Law Training) देण्यात आले. त्याची काटेकोरपणे अंमलबजावणी करण्याच्या सूचना देण्यात आल्या.
