Karnatak Accident :- कर्नाटकातील गुलपुरा जवळ यालापुरा महामार्गावर एक भीषण रस्ता अपघात (Accident) झाला. भाज्यांनी भरलेला ट्रक अनियंत्रित झाला आणि ट्रिपरला धडकला. ज्यामध्ये ट्रकवरील १० जणांचा मृत्यू (Deaths)झाला आणि सुमारे १५ जण गंभीर जखमी झाल्याचे वृत्त आहे.
भीषण रस्ता अपघात; १० जणांचा जागीच मृत्यू
पोलिसांनी दिलेल्या माहितीनुसार, आज पहाटे ४ वाजता हा अपघात झाला. ट्रक ट्रिपरला धडकल्याने ट्रकचे तुकडे झाले. उत्तर कन्नड येथील कारवार येथील नारायण एम यांनी सांगितले की, या ट्रकमधील सर्व भाज्या सावनूरहून कामता मार्केटमध्ये भाज्या (Vegetables) विकण्यासाठी जात होत्या. उत्तर कन्नड जिल्ह्यातील कारवारचे एसपी नारायण एम यांनी सांगितले की, ट्रक चालकाने समोरून येणाऱ्या वाहनाला रस्ता देण्याचा प्रयत्न केला तेव्हा हा अपघात झाला. यामुळे ट्रक अनियंत्रित झाला आणि ५० मीटर खोल दरीत पडला. सावनूर-हुबळी रस्त्यालगत असलेल्या जंगलात हा अपघात झाला. एसपी म्हणाले की, हा अपघात पहाटे ४ वाजता घडला.
#WATCH | Karnataka | 10 died and 15 injured after a truck carrying them met with an accident early morning today. All of them were travelling to Kumta market from Savanur to sell vegetables: SP Narayana M, Karwar, Uttara Kannada
(Visuals from the spot) https://t.co/hJQ84aljHw pic.twitter.com/dVtNEKQna7
— ANI (@ANI) January 22, 2025
ट्रक अनियंत्रित झाल्यामुळे घडला अपघात
भाजीपाला भरलेल्या ट्रकचा चालक दुसऱ्या वाहनाला रस्ता देण्यासाठी रस्त्यापासून डावीकडे वळला आणि खोल दरीत पडला. स्थानिक नागरिकांकडून माहिती मिळताच पोलिसांनी घटनास्थळी धाव घेतली आणि जखमींना तातडीने रुग्णालयात (Hospital) नेले. एसपींनी माध्यमांना असेही सांगितले की, १० जणांचा जागीच मृत्यू झाला आणि १५ जण गंभीर जखमी झाले. जखमींना तातडीने उपचारासाठी हुबळी येथील किम्स रुग्णालयात दाखल करण्यात आले. रायचूर येथे झालेल्या एका अपघातात ४ जणांचा मृत्यू, १० जण जखमी कर्नाटकातील रायचूर येथे झालेल्या दुसऱ्या अपघातात सिंधनूर येथे एक वाहन उलटून चार जणांचा मृत्यू झाला तर १० जण जखमी झाले. अपघातानंतर मृतांची तपासणी करण्यात आली आणि मृतदेह(Dead bodies) त्यांच्या कुटुंबियांना सोपवण्यात आले. सिंधनूर वाहतूक पोलिस स्टेशन हे प्रकरण हाताळत आहे.
