काही जणांची प्रकृती अत्यंत चिंताजनक
आष्टी (Truck-Tracks Accident) : एक ट्रॅक्स आणि मालवाहू हायवा ट्रक यांच्यात भीषण अपघात होऊन या अपघातात ४ जण गंभीर जखमी झाले असून, काहींची प्रकृती अत्यंत चिंताजनक आहे. ही घटना आज २ ऑगस्ट रोजी दुपारी २ वाजताच्या सुमारास चामोर्शी तालुक्यातील कोनसरा गावाच्या मुख्य चौकात घडली.
कोनसरी येथील मुख्य चौकातून ट्रॅक्स जात असताना समोरून भरधाव वेगात येणार्या हायवा ट्रक क्रमांक ४० ण्श् ८२९१ ने ट्रॅक्स क्रमांक एमएच ३३ – ४९४ला जोरदार धडक दिली. अपघात इतका तीव्र होता की, ट्रॅक्सचा पुढचा भाग चक्काचूर झाला. या (Truck-Tracks Accident) अपघातात चार जण गंभीर जखमी झाले. जखमींना तात्काळ आष्टी येथील ग्रामीण रुग्णालयात उपचारासाठी हलवण्यात आले. मात्र, गंभीर जखमी असलेल्या काहींना पुढील उपचारासाठी चंद्रपूर आणि गडचिरोली जिल्हा रुग्णालयात रेफर करण्यात आले आहे
कंपनीच्या कोनसरी प्लांटजवळून दररोज शेकडो हायवा ट्रक आणि मालवाहतूक गाड्या वाहतूक करतात. त्यामुळे या रस्त्यावर अपघाताचे प्रमाण दिवसेंदिवस वाढत आहे. कंपनीच्या गाड्या अत्यंत वेगात व निष्काळजीपणे चालवल्या जातात. ज्यामुळे सामान्य नागरिकांचा जीव धोक्यात आला असल्याचा आरोप नागरीकातून केला जात आहे .या (Truck-Tracks Accident) अपघाताने कोनसरी परिसरातील वाहतूक सुरक्षेचा प्रश्न पुन्हा ऐरणीवर आणला आहे. कंपनीची प्रचंड वाहतूक, अकार्यक्षम वाहतूक नियंत्रण आणि प्रशासनाचा दुर्लक्ष यामुळे ग्रामस्थांचे जीवनच धोक्यात आले आहे. या घटनेसंदर्भात आष्टी पोलीस ठाण्यात गुन्हा दाखल करण्यात आला आहे. ट्रकचालकाला अटक केली असुन पुढील तपास आष्टी पोलीस करीत आहेत.
अशी आहेत जखमींची नावे
रामगोपाल सुदाम खवास (५३)रा. ताडगाव, प्रशांत राजकुमार मेश्राम (३७ ) काळी पिवळी चालक रा. चामोर्शी, कविता किशोर सोनटक्के (५८ )रा. गडचिरोली , मारोती गणपती पुज्जलवार ( ७०) रा. रामसागर अशी जखमींची नावे आहेत
