पाथरी (Pathari police) : पाथरी शहर अवैध धंदे चालकांचे माहेरघर झाले असुन बिनदिक्कतपणे मटका, पत्याचे क्लब चालू असल्याने शहरात (Pathari police) पोलीसांचा धाक राहीला आहे की नाही असा प्रश्न उपस्थित होत आहे. पाथरी तालुका मागील अनेक दिवसापासून अवैध वाळूसाठी चर्चेत आला आहे. त्यातच ग्रामीण भागासह शहरांमध्ये अवैध धंद्याने डोके वर काढले आहे.
कहर म्हणजे शहरांमध्ये व ग्रामीण भागामध्ये सर्रास मटका चालक खुल्याआमपणे चिट्टी देऊन मटका घेत असल्याने नेमकं या अवैध धंद्यांना अभय कोणाचं मिळाले आहे अशी चर्चा सामान्य लोक करत आहेत. (Pathari taluka) पाथरी तालुक्यामध्ये अवैध दारू विक्री , पत्त्याचे क्लब व मटका बुकीच पेव फुटलं आहे. घरातील लहान मुलांपासून मोठ्या व्यक्तीं या जुगार व व्यसनांच्या आहारी जात असल्याने गावागावात कलह व सामान्य लोकांचे कुटुंब उध्वस्त होण्याची परिस्थिती निर्माण झाली आहे.
पाथरी शहरांमध्ये (Pathari city) पान टपरी व चौकामध्ये सर्रासपणे चिट्टी देऊन मटका जुगार चालू असल्याचे चित्र गुरुवारी प्रतिनिधीने पाहणी केली असता दिसून आले. ग्रामीण भागामध्ये हे चित्र पाहायला मिळत आहे. प्रतिबंधित असणारा गुटखा ही किराणा दुकानांमध्ये उपलब्ध झाला असुन याचे व्यसनही लहान शाळकरी मुलांपर्यंत पोहोचले आहे. (Pathari police) पोलीस प्रशासनाची वचक अवैधधंदे चालकावर राहिली नसल्याने ते बिंदिकतपणे हा व्यवसाय चालवत असल्याचे चित्र असून प्रशासनाने वेळीच या गंभीर बाबीकडे लक्ष देण्याची गरज निर्माण झाली आहे.
