हिंगोली(Hingoli):- श्रावण महिन्याच्या दुसर्‍या सोमवारी प्रत्येक वर्षी शिवसेना (Shiv Sena) जिल्हाप्रमुख तथा कळमनुरी विधानसभा मतदार संघाचे आमदार संतोष बांगर यांच्या नेतृत्वाखाली कावड यात्रा (Kavad Yatra) काढली जाते. त्यानुसार यावर्षीही १२ ऑगस्टला कावड यात्रा काढली जाणार असल्याने त्याचे निमंत्रण मुख्यमंत्री (Chief Minister) एकनाथ शिंदे (Eknath Shinde)यांना देण्यात आले आहे.
शिवसेना जिल्हाप्रमुख आ.संतोष बांगर यांच्या नेतृत्वाखाली कावड यात्रा
कळमनुरी येथील चिंचाळेश्वर महादेव मंदीर ते ओम कयाधू अमृतधारा महादेव मंदीर हिंगोली या दरम्यान प्रत्येक श्रावण मासारंभात दुसर्‍या सोमवारी शिवसेना जिल्हाप्रमुख तथा आमदार संतोष बांगर यांच्या नेतृत्वाखाली कावड यात्रा काढली जाते. या कावड यात्रेत हजारो शिवभक्त मोठ्या संख्येने सहभागी होतात. त्यानुसार यावर्षीही श्रावणातील दुसर्‍या सोमवारी १२ ऑगस्टला कावड यात्रा काढली जाणार आहे. या यात्रे निमित्त जय्यत तयारी केली जात आहे. २ ऑगस्ट पासून यात्रेतील शिवभक्तांना हिंगोली शहरातील वंजारवाडा भागातील हिंदू हृदयसम्राट बााळासाहेब ठाकरे व्यायाम शाळेतून टी-शर्टचे वाटप केले जाणार आहे. या कावड यात्रेत मोठ्या संख्येने सहभागी होण्याचे आवाहन आमदार संतोष बांगर यांनी केले आहे.
आ. बांगर यांचे होणार मोठे शक्तीप्रदर्शन
प्रत्येक वेळी काढल्या जाणार्‍या कावड यात्रेमध्ये हजारो शिवभक्त सहभागी होतात. १२ ऑगस्टच्या कावड यात्रेनिमित्त मुख्यमंत्री एकनाथ शिंदे यांना आ.संतोष बांगर यांनी निमंत्रण दिले असून त्यांनी कावड यात्रेला उपस्थित राहण्याची ग्वाही दिली आहे. यावेळी आ.बांगर यांच्यासोबत युवासेनेचे जिल्हाप्रमुख राम कदम यांच्यासह अनेक शिवसैनिकांची उपस्थिती होती. या कावड यात्रेच्या माध्यमातून आमदार संतोष बांगर यांचे विधानसभा निवडणुकीपूर्वी मोठे शक्ती प्रदर्शन होणार आहे.
