गडचिरोली(Gadchiroli) :- सध्या देशात आयपीएलचा (IPL)सीजन सुरु असुन आयपीएलवर ऑनलाईन सट्टा (Online betting) चालविणाऱ्या सट्टेबाजांचे रॅकेट अहेरी पोलिसांनी जेरबंद केल्याने एकच खळबळ उडाली आहे.
अहेरी येथील बालाजी गेस्ट हाऊस (Guest House) येथे 27 एप्रिल रोजी पोलिसांनी छापा मारून सदर कारवाई केली. यावेळी सट्टेबाज हे बनावटी अँप (fake app)nice.7777.fun या प्लॅटफार्मवर ऑनलाईन आय.पी.एल सट्टया घेत असल्याचे पोलिसांना दिसून आले. पोलिसांनी घटनास्थळावरुन निखील दुर्गेे व आसिफ शेख यांच्या ताब्यातुन चार मोबाईल फोन व रोख 9 हजार 420 रुपये जप्त केले.
या दोन्ही आरोपींची पोलिसांनी चौकशी केली असता नामे इरफान ईकबाल शेख रा. अहेरी याचे अप्पर लाईनला संदिप गुंडपवार रा. आल्लापल्ली हा सदरचे रॅकेट चालवत असुन सदर बेकायदेशिर ऑनलाईन (online) आय.पी.एल क्रिकेट वर सट्टयाचा जुगार चालविणारे निखील दुर्गेे व आसिफ शेख हे व्यक्ती एजंट वर्गात मोडतात. त्यांचे (बेस लेवल) खालच्या पातळीवर काम कारणारे निखील गुंडावार, प्रणित श्रीरामवार, अक्षय गनमुकलवार, फरमान शेख, फरदिन पठाण हे सुध्दा आय. पी. एल. सट्टयामध्ये एजंट चे काम करत असल्याची माहिती पोलिसांना मिळाली गुन्हयातील आरोपी नामे 1) निखील मल्लया दुर्गेे, 2)आसिफ फकीर मोहम्मद शेख, 3) धंनजय राजरत्नम गोगीवार, 4) निखील गुंडावार, 5) प्रणित श्रीरामवार, 6)अक्षय गनमुकलवार, 7)फरमान शेख, 8)फरदिन पठाण, 9)इरफान ईकबाल शेख सर्व रा. अहेरी, 10) संदिप गुडपवार रा. आल्लापल्ली यांचे विरुध्द पोलिस स्टेशन अहेरी (Police Station Aheri) येथे महाराष्ट्र जुगार बंदी कायदा कलम 4 व 5 कायदयान्वये गुन्हा नोंंद करण्यात आला आहे.
सदर कारवाई जिल्हा पोलीस अधीक्षक निलोप्पल यांच्या मार्गदर्शनात अपर पोलीस अधीक्षक अहेरी एम. रमेश,उपविभागीय पोलीस अधिकारी अजय कोकाटे, पोलीस निरीक्षक पोस्टे दशरथ वाघमोडे, पोउपनि. जनार्धन काळे, पोउपनि. गवळी यांनी पार पाडली.
