तेल्हारा (Tractor Accident) : तालुक्यातील मनात्री येथील वीटभट्टीवर काम करीत असलेल्या तेंगणू प्रधान नामक इसमाचा ट्रॅक्टरच्या चाकाखाली येऊन मृत्यू झाल्याची घटना ८ फेब्रुवारी रोजी सकाळी ९ ते १० वाजेदरम्यान मनात्री येथे घडली. या (Tractor Accident) प्रकरणी मृतकाच्या भावाने दिलेल्या तक्रारी वरून तेल्हारा पोलिसांनी ट्रॅक्टर चालकाविरुद्ध बीएनएसनुसार १०६ (१) नुसार गुन्हा दाखल केला आहे.
फिर्यादी पांडे इंगलू प्रधान (५२) रा. किहरपूर जिल्हा मसाहजोग (छत्तीसगड) ह.मु. मनात्री हा येथील वीटभट्टीवर आपल्या भावासह काम करतो. ८ फेब्रुवारी रोजी काम करीत असताना भट्ट्यावरील ट्रॅक्टर मुंडा क्रमांक एमएच ३० एबी ७८९८ यावर गणेश पवार रा. तेल्हारा हा ट्रॅक्टर मागे आणत असताना फिर्यादीचा भाऊ तेंगणू प्रधानचा पाय घसरल्याने तो (Tractor Accident) ट्रॅक्टरला जोडलेल्या गारा मशीनच्या मागच्या चाकाखाली आल्याने त्याच्या उजव्या पायाच्या मांडी व कमरेवरून चाक गेल्याने तो गंभीर जखमी झाला. जखमी अवस्थेत त्यास रूग्णवाहिकेने तेल्हारा येथे आणले असता डॉक्टरांनी मृत घोषित केले. या प्रकरणी तेल्हारा पोलिस पुढील तपास करीत आहेत.
