काजळेश्वर उपाध्ये (Washim):- घरी कोणी नसल्याची संधी साधून अज्ञात चोरट्याने 52 हजार रुपये किमतीचा लॅपटॉप(Laptop), घड्याळ (Watch) आणि हेडफोन इत्यादी ऐवज लंपास केला. कारंजा तालुक्यातील काजळेश्वर उपाध्ये येथे २३ जून रोजी दुपारी पोस्ट मास्टरांकडे ही घटना घडली.
प्राप्त वृत्त असे की, रविवारी सुटीचा दिवस असल्याने पोष्ट मास्टर दिपक चौधरी पत्नीसह शेतात निघून गेले . मुलगा घराजवळच असलेल्या दवाखान्यात (Hospital) औषधोपचारासाठी घराला कडी लाऊन गेला . ही वेळ साधून अज्ञात चोरट्याने दरवाज्याची कडी उघडून घरात प्रवेश करीत घरी असलेला बावन्न हजार रु कींमतीचा लॅपटॉप, मनगटी घड्याळ, हेड फोन लंपास केला . हि बाब मुलगा दवाखान्यातून आल्यावर लक्षात आली . सदर घटनेची लेखी तक्रार .२४ जून रोजी कारंजा ग्रामीण पोलीस स्टेशनला(Rural Police Station) पोष्टमास्टर दिपक चौधरी यांनी दिली असल्याचे त्यांनी सांगितले.
